Vijay Deverakonda: “అందుకోసం చాలా ప్రయత్నించాను.. కానీ కుదరలేదు”.. విజయ్ దేవరకొండ కామెంట్స్ వైరల్..

టాలీవుడ్ రౌడీ విజయ్ దేవరకొండకు యూత్‏లో ఉండే క్రేజ్ గురించి ప్రత్యేకంగా చెప్పాల్సిన పనిలేదు. అర్జున్ రెడ్డి మూవీతో ఈ హీరోకు ఫ్యాన్ ఫాలోయింగ్ అమాంతం పెరిగిపోయింది. ఆ తర్వాత గీతా గోవిందం సినిమాతో బ్లాక్ బస్టర్ హిట్ సొంతం చేసుకున్నాడు. ఆ తర్వాత పలు చిత్రాలతో మెప్పించిన విజయ్.. ఇటీవల మాస్ డైరెక్టర్ పూరీ జగన్నాథ్ దర్శకత్వంలో పాన్ ఇండియా స్టార్‏గా మారాడు. వీరిద్దరి కాంబోలో వచ్చిన లేటేస్ట్ చిత్రం లైగర్. మార్షల్ ఆర్ట్స్ నేపథ్యంలో వచ్చిన ఈ మూవీలో విజయ్ బాక్సార్ పాత్రలో నటించి మెప్పించాడు. ఎన్నో అంచనాలతో ఆగస్ట్ 25న ప్రేక్షకుల ముందుకు వచ్చిన ఈ సినిమా ఆశించినంత స్థాయిలో ఆకట్టుకోలేకపోయింది. విజయ్ నటనకు సినీ విశ్లేషకుల నుంచి ప్రశంసలు వచ్చినా.. కంటెంట్ పై విమర్శలు వచ్చాయి. ఈ సినిమా డిజాస్టర్ కావడంతో చిత్రయూనిట్ పై దారుణంగా ట్రోల్స్ నడిచాయి. లైగర్ సినిమా అనంతరం మీడియా ముందుకు తక్కువ వచ్చాడు. ప్రస్తుతం అతడికి సంబంధించిన సైమా అవార్డ్స్ వీడియో నెట్టింట వైరల్ అవుతుంది.

ఇటీవల జరిగిన సైమా అవార్డ్స్ 2022లో యూత్ ఐకాన్ ఆఫ్ ది సౌత్ ఇండియా సినిమా అవార్డు సొంతం చేసుకున్నాడు విజయ్. అయితే ఈ అవార్డు తీసుకున్న తర్వాత రౌడీ ఇచ్చిన స్పీచ్‏కు సంబంధించిన వీడియో ఇప్పుడు సోషల్ మీడియాలో చక్కర్లు కొడుతుంది. అందులో విజయ్ మాట్లాడుతూ.. ” ఈ వేదికపై అవార్డులు అందుకున్న అందరికీ కృతజ్ఞతలు. గొప్ప సినిమాలు, అద్భుతమైన పెర్ఫామెన్స్‏తో మీరు ఈ సంవత్సరం సినీ ఇండస్ట్రీని ముందుకు తీసుకెళ్లారు. నేను కూడా ఇండస్ట్రీకి హిట్ ఇద్దామనుకున్నాను. అందుకు చాలా ప్రయత్నించినప్పటికీ కుదర్లేదు. మనందరికీ మంచి, చెడు రోజులు వస్తాయి. ఏ రోజుల్లోనైనా.. ఎలాంటి ఇబ్బందులు ఎదురైనా మనం చేయాల్సిన పనులు కచ్చితంగా.. చాలా జాగ్రత్తగా పూర్తి చేయాల్సి ఉంటుంది.

ఈ వేడుకకు రాకూడదనుకున్నాను. కానీ మీ అందరికీ ఓ విషయం చెప్పాలని వచ్చాను. మీ అందరిని ఎంటర్టైన్ చేస్తానని మాటిస్తున్నాను.” అంటూ చెప్పుకొచ్చాడు విజయ్. ప్రస్తుతం రౌడీకి సంబంధించిన వీడియో నెట్టింట వైరలవుతుంది. ఇక విజయ్ సినిమాల విషయానికి వస్తే.. డైరెక్టర్ శివ నిర్వాణ దర్శకత్వంలో ఖుషి సినిమా చేస్తున్నాడు. ఇందులో సమంత కథానాయికగా నటిస్తోంది. ఇప్పటికే విడుదలైన పస్ట్ లుక్ పోస్టర్ ఆకట్టుకుంటుంది. కొద్ది రోజులుగా ఈ మూవీ షూటింగ్ శరవేగంగా జరుగుతుంది.

The One and Only Versatile Actor ??#VijayDeverakonda ?@TheDeverakonda pic.twitter.com/Cvaahvh4oG

— Dileep Kushi Rowdy (@Dileep35777546) October 10, 2022

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.