Tollywood : 500 పైగా సినిమాలకు ఎడిటింగ్ చేశా.. కానీ ఆ సినిమా ఒక్కటే బ్లాక్ బస్టర్ అవుతుంది అనిపించింది.. ఎడిటర్..
ప్రముఖ సినీ ఎడిటర్ మార్తాండ్ కె. వెంకటేష్ ఇటీవల ఓ ఇంటర్వ్యూలో తన సినీ ప్రయాణం గురించి ఆసక్తికర విషయాలు పంచుకున్నారు. అలాగే ఎంతో మంది దర్శకనిర్మాతల గురించి చెప్పుకొచ్చారు. ప్రతి షాట్కు ఒక కారణం ఉండాలంటారు. వెంకీ సినిమాలోని ట్రైన్ సీక్వెన్స్ పొడవుపై ఆయన అనుభవాన్ని, దర్శకులు శ్రీను వైట్ల, కె. రాఘవేంద్ర రావులతో పని చేసిన విధానాన్ని పంచుకున్నారు. ఆయన 500కు పైగా సినిమాలకు ఎడిటింగ్ చేశారు.
ప్రముఖ సినీ ఎడిటర్ మార్తాండ్ కె. వెంకటేష్ తన సినీ ప్రయాణం, అనుభవం, ఎడిటింగ్ కళపై తన ప్రత్యేక దృష్టిని పంచుకున్నారు. 500కు పైగా చిత్రాలకు ఎడిటింగ్ చేసిన ఆయన, సినిమా ఎడిటింగ్లో ఎందుకు? అనే ప్రశ్న కీలకమని అన్నారు. ప్రతి షాట్కు ఒక ఉద్దేశ్యం, కథ ఉండాలని ఆయన తన వృత్తి నైపుణ్యాన్ని వివరించారు. ఆధునిక ఎడిటింగ్ ట్రెండ్లైన లీనియర్, నాన్-లీనియర్ స్క్రీన్ప్లేలు, స్క్రీన్ బ్లాక్, కట్ షాట్స్, ఫేడ్-ఇన్, ఫేడ్-అవుట్, డిసాల్వ్ వంటి వాటిపై మాట్లాడుతూ, సినిమాకు అవసరమైతేనే ఈ టెక్నిక్లను ఉపయోగించాలని వెంకటేష్ సూచించారు. సరైన కారణం లేకుండా ఏ ఎఫెక్ట్ను వాడకూడదని ఆయన స్పష్టం చేశారు. ఒక ఎపిసోడ్ పూర్తయి మరొకటి ప్రారంభమైనప్పుడు మాత్రమే ఫేడ్-ఇన్, ఫేడ్-అవుట్ వాడాలని, టైమ్ లాప్స్ ఉన్నప్పుడు డిసాల్వ్ ఉపయోగించాలని ఆయన వివరించారు. ఇది తమ నేర్చుకున్న పద్ధతి అని, ఆధునికత పేరుతో అనవసరమైన ఎఫెక్ట్లను చేర్చడం సరికాదని ఆయన అభిప్రాయపడ్డారు.
ఎక్కువ మంది చదివినవి : Actress : ఒక్క సినిమాలోనే 30 లిప్ లాక్స్ సీన్స్.. దెబ్బకు రాత్రికి రాత్రే స్టార్ అయ్యింది.. ఇప్పుడు ఇలా..
దర్శకుడు కె. రాఘవేంద్ర రావు వద్ద తాను నేర్చుకున్న పాఠాలను గుర్తు చేసుకుంటూ, ప్రతి షాట్ను ఎందుకు వాడామనే దానికి ఒక వివరణ ఇవ్వాల్సి వచ్చేదని చెప్పారు. క్లోజ్ షాట్ ఎందుకు, లాంగ్ షాట్ ఎందుకు అనేది చెప్పగలిగితేనే అది సమంజసమని ఆయన అన్నారు. వెంకీ సినిమాలోని ప్రసిద్ధ ట్రైన్ సీక్వెన్స్ గురించి ప్రస్తావిస్తూ, అది చాలా పొడవుగా ఉన్నప్పటికీ, దానిని ట్రిమ్ చేయలేదని వెంకటేష్ తెలిపారు. ఆ సీక్వెన్స్ బాగుండి, ప్రేక్షకులను అలరిస్తుంటే, దాని నిడివి గురించి తాము పట్టించుకోమని చెప్పారు. ఎడిటింగ్ రూమ్తో పాటు డబ్బింగ్ థియేటర్లో కూడా అందరూ ఆ సీక్వెన్స్ను ఆస్వాదించారని, బ్రహ్మానందం లాంటి నటులు కూడా దానిని ఇంకా పెంచాలని కోరారని గుర్తు చేసుకున్నారు. బావగారు బాగున్నారా సినిమాలోని బ్రహ్మానందం ట్రాక్ విషయంలో కూడా ఇదే అనుభవం ఎదురైందని, జయంత్ సి. పరాన్జీతో బ్రహ్మానందం స్వయంగా మాట్లాడి, ట్రాక్ను పెంచమని కోరారని వెంకటేష్ వివరించారు. ఒక సీక్వెన్స్ బాగుంటే దాన్ని ముట్టుకోమని, బాగాలేదంటే ట్రిమ్ చేస్తామని ఆయన స్పష్టం చేశారు.
ఎక్కువ మంది చదివినవి : Soundarya: సౌందర్య భర్త ఇప్పటికీ నాకు ఫోన్ చేస్తాడు.. ఇప్పుడు ఏం చేస్తున్నాడంటే.. హీరోయిన్ ప్రేమ కామెంట్స్..
దర్శకుడు శ్రీను వైట్ల కామెడీ సెన్స్పై మాట్లాడుతూ, ఆయన ఎడిటర్ను పూర్తిగా నమ్ముతారని వెంకటేష్ చెప్పారు. శ్రీను వైట్ల షూటింగ్ పూర్తయిన తర్వాత, తాము ఎడిటింగ్ చేసి, బాగుంటే ఉంచుతామని, లేకపోతే ట్రిమ్ చేస్తామని తెలిపారు. తన సినిమాలైన డి లేదా వెంకీ విషయంలో ఎడిటింగ్ రూమ్లో ఎలాంటి చర్చలు జరగలేదని, దర్శకుడు ఎడిటర్ను పూర్తి స్వేచ్ఛతో పని చేయనిస్తారని వెంకటేష్ తెలిపారు. తాను దాదాపు 500లకు పైగా సినిమాలకు ఎడిటింగ్ చేశామని చెప్పుకొచ్చారు. కానీ ఎడిట్ రూంలో చూసి బ్లాక్ బస్టర్ అవుతుంది అనిపించిన సినిమా అరుంధతి మాత్రమే అని అన్నారు. ఆ సినిమా ఎడిట్ చేస్తున్నప్పుడే తనకు అనిపించిందని తెలిపారు.
ఎక్కువ మంది చదివినవి : Gunashekar: ఆ హీరో చిన్నప్పుడు కూచిపూడి డ్యాన్స్ చేస్తే.. రవింద్రభారతిలో విజిల్స్ మారుమోగాయి.. డైరెక్టర్ గుణశేఖర్..
ఎక్కువ మంది చదివినవి : Surya S/o Krishnan: హార్ట్ టచింగ్.. కుర్రాళ్ల మనసును కదిలించే సాంగ్.. ‘చంచల’ పాట వెనుక ఇంత స్టోరీ ఉందా..