Actress : ఒక్క సినిమాలోనే 30 లిప్ లాక్స్ సీన్స్.. దెబ్బకు రాత్రికి రాత్రే స్టార్ అయ్యింది.. ఇప్పుడు ఇలా..

చిత్ర పరిశ్రమలో కొందరు నటీమణులు తమ మొదటి సినిమాతోనే దేశవ్యాప్తంగా గుర్తింపు తెచ్చుకుంటారు. నటన, గ్లామర్‌తో ప్రేక్షకులను ఆకట్టుకున్నా, ఆ తర్వాత సరైన విజయాలు లేక రేసులో వెనుకబడిపోతుంటారు. ఈ కోవకు చెందిన బాలీవుడ్ బ్యూటీనే సోనాల్ చౌహాన్. చేసింది తక్కువ సినిమాలే అయినా సోషల్ మీడియాలో, సినీ వర్గాల్లో ఈమెకు విపరీతమైన క్రేజ్ ఉంది. అయితే, ఈమె కెరీర్‌లో ఒకే ఒక సినిమా ఏకంగా 30 ముద్దు సీన్ల కారణంగా అప్పట్లో సంచలనంగా మారింది.1987 మే 16న నోయిడాలో జన్మించిన సోనాల్ చౌహాన్, ఢిల్లీలోని గార్గి కాలేజీలో గ్రాడ్యుయేషన్ పూర్తి చేసింది. 2005లో ‘మిస్ వరల్డ్ టూరిజం’ టైటిల్‌ను గెలుచుకున్న తొలి ఇండియన్‌గా ఆమె రికార్డు సృష్టించింది. ఆ తర్వాత హిమేష్ రేష్మియా పాపులర్ మ్యూజిక్ ఆల్బమ్ ‘ఆప్కా సురూర్’లోని ‘సంఝో నా’ సాంగ్‌తో అందరి దృష్టిని ఆకర్షించింది. ఈ క్రేజ్‌తో 2008లో ఇమ్రాన్ హష్మీ సరసన ‘జన్నత్’ సినిమాతో బాలీవుడ్‌లోకి గ్రాండ్‌గా ఎంట్రీ ఇచ్చింది. ఈ సినిమా సూపర్ హిట్ అవ్వడమే కాకుండా, సోనాల్‌ను రాత్రికి రాత్రే ‘నేషనల్ క్రష్’గా మార్చేసింది.

అయితే, జన్నత్ తెచ్చిన స్టార్‌డమ్ ఎక్కువ కాలం నిలవలేదు. ఆ తర్వాత ఆమెకు బాలీవుడ్‌లో పెద్దగా ఆఫర్లు రాలేదు. ఈ క్రమంలోనే 2013లో ఆమె నీల్ నితిన్ ముఖేష్‌తో కలిసి ‘3G – ఎ కిల్లర్ కనెక్షన్’ అనే హర్రర్ థ్రిల్లర్ చిత్రంలో నటించింది. ఈ సినిమా బాక్సాఫీస్ వద్ద ఘోర పరాజయాన్ని చవిచూసినప్పటికీ, అందులోని రికార్డు బ్రేకింగ్ బోల్డ్ సీన్స్ వల్ల విపరీతంగా వార్తల్లో నిలిచింది. ఈ ఒక్క సినిమాలోనే ఏకంగా 30 లిప్‌లాక్ సీన్లు ఉండటం అప్పట్లో ఇండస్ట్రీని కుదిపేసింది.

గతంలో ఇమ్రాన్ హష్మీ, మల్లికా షెరావత్ కాంబినేషన్‌లో వచ్చిన ‘మర్డర్’ సినిమాలో 20 కిస్ సీన్స్ ఉండగా.. ‘3G’ సినిమా ఆ రికార్డును బ్రేక్ చేసింది. ఈ 30 ముద్దు సీన్ల వివాదంపై అప్పట్లో సోనాల్ చౌహాన్ స్పందిస్తూ.. కేవలం ప్రమోషన్ల కోసం లేదా పబ్లిసిటీ కోసం తాను బోల్డ్ సీన్స్ చేయనని, కథ డిమాండ్ చేయడం వల్లే ఆ సీన్లలో నటించాల్సి వచ్చిందని క్లారిటీ ఇచ్చింది. సినిమా ఫ్లాప్ అయినప్పటికీ ఆమె గ్లామర్ హాట్ టాపిక్‌గా మారింది.బాలీవుడ్‌లో ఆశించిన విజయాలు రాకపోవడంతో సోనాల్ టాలీవుడ్ వైపు అడుగులు వేసింది. తెలుగులో ఆమె మొదటి చిత్రం ‘రెయిన్‌బో’ (2008). ఆ తర్వాత నందమూరి బాలకృష్ణ సరసన ‘లెజెండ్’, ‘డిక్టేటర్’, ‘రూలర్’ వంటి చిత్రాల్లో నటించి మెప్పించింది. అలాగే నాగార్జున (ది ఘోస్ట్), రవితేజ (బలుపు), ప్రభాస్ (ఆదిపురుష్‌లో మండోదరి పాత్ర) వంటి స్టార్ హీరోల సినిమాల్లోనూ నటించింది. ప్రస్తుతం సినిమాల్లో పెద్దగా కనిపించకపోయినప్పటికీ, ఇన్స్టాగ్రామ్‌లో తన లేటెస్ట్ ఫోటోషూట్లతో ఫ్యాన్స్‌ను అలరిస్తూ సోషల్ మీడియా క్వీన్‌గా దూసుకుపోతోంది.

ఎక్కువ మంది చదివినవి : Gunashekar: ఆ హీరో చిన్నప్పుడు కూచిపూడి డ్యాన్స్ చేస్తే.. రవింద్రభారతిలో విజిల్స్ మారుమోగాయి.. డైరెక్టర్ గుణశేఖర్..

View this post on Instagram

A post shared by Sonal Chauhan (@sonalchauhan)

ఎక్కువ మంది చదివినవి :  Surya S/o Krishnan: హార్ట్ టచింగ్.. కుర్రాళ్ల మనసును కదిలించే సాంగ్.. ‘చంచల’ పాట వెనుక ఇంత స్టోరీ ఉందా..