Ranga Ranga Vaibhavanga Teaser: రంగ రంగ వైభవంగా టీజర్ రిలీజ్.. ఆకట్టుకుంటున్న ప్రేమకథ..

Ranga Ranga Vaibhavanga

ఉప్పెన సినిమాతో సినీ పరిశ్రమలోకి హీరోగా అరంగేట్రం చేశాడు మెగా హీరో వైష్ణవ్ తేజ్ (Vaishnav Tej).. ఫస్ట్ మూవీతోనే సూపర్ హిట్ అందుకున్న ఈ హీరో.. ఆ తర్వాత వరుస ఆఫర్లు అందుకున్నాడు.. క్రిష్ దర్శకత్వంలో వచ్చిన కొండపొలం సినిమాతో తెలుగు చిత్రపరిశ్రమలో తనకంటూ ప్రత్యేక స్థానాన్ని ఏర్పర్చుకున్నారు. ప్రస్తుతం ఈ యంగ్ హీరో ప్రధాన పాత్రలో నటిస్తోన్న చిత్రం రంగ రంగ వైభవంగా.. ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బాపినీడు.బి స‌మ‌ర్ప‌ణ‌లో బి.వి.ఎస్‌.ఎన్‌.ప్ర‌సాద్ నిర్మిస్తున్నారు. ఈ చిత్రానికి గిరీశాయ ద‌ర్శకత్వం వహిస్తున్నారు. ఇందులో వైష్ణవ్ సరసన కేతికా శ‌ర్మ హీరోయిన్‌. ప్రస్తుతం ఈ సినిమా పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి.

తాజాగా ఈ మూవీ టీజర్ రిలీజ్ చేసింది చిత్రయూనిట్.. లవ్.. రొమాన్స్.. యాక్షన్ సంబంధించిన అంశాలతో టీజర్ విడుదల చేశారు.. ఇందులో వైష్ణవ్ మరింత స్టైలీష్ లుక్ లో కనిపిస్తున్నాడు.. ల‌వ్, ఎంట‌ర్‌టైన్‌మెంట్ ఎలిమెంట్స్ క‌ల‌గ‌లిసిన ఫ్యామిలీ డ్రామాగా రూపొందుతోన్న ఈ మూవీ నుంచి ఇప్పటికే విడుదలైన టైటిల్ టీజ‌ర్‌, పాట‌కు ఆడియెన్స్ నుంచి ట్రెమెండస్ రెస్పాన్స్ వ‌చ్చింది. ఇక ఈ మూవీ అన్నీ కార్య‌క్ర‌మాల‌ను పూర్తి చేసి రంగ రంగ వైభవంగా సినిమాను జూలై 1 భారీ లెవ‌ల్లో విడుద‌ల చేయ‌నున్న‌ట్లు మేక‌ర్స్ తెలిపారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.