Vengal Rao- Vadivelu: ప్రముఖ కమెడియన్‌కు పక్షవాతం.. ఆదుకునేందుకు ముందుకు వచ్చిన వడివేలు
ప్రముఖ కమెడియన్ వెంగళ్రావు ప్రస్తుతం దీన స్థితిలో ఉన్నారు. తమిళంతో పాటు తెలుగులోనూ ఎన్నో హిట్ సినిమాల్లో నటించి ప్రేక్షకులను కడుపుబ్బా నవ్వించిన ఆయన గత కొన్నేళ్లుగా తీవ్ర అనారోగ్యంతో బాధపడుతున్నారు. ఇటీవల ఆయన పరిస్థితి మరింత దిగజారింది. పక్షవాతం కారణంగా ఒక చేయి, కాలు పడిపోయింది. కనీసం కదల్లేని స్థితిలో ఉన్నారు
ప్రముఖ కమెడియన్ వెంగళ్రావు ప్రస్తుతం దీన స్థితిలో ఉన్నారు. తమిళంతో పాటు తెలుగులోనూ ఎన్నో హిట్ సినిమాల్లో నటించి ప్రేక్షకులను కడుపుబ్బా నవ్వించిన ఆయన గత కొన్నేళ్లుగా తీవ్ర అనారోగ్యంతో బాధపడుతున్నారు. ఇటీవల ఆయన పరిస్థితి మరింత దిగజారింది. పక్షవాతం కారణంగా ఒక చేయి, కాలు పడిపోయింది. కనీసం కదల్లేని స్థితిలో ఉన్నారు. దీంతో చికిత్సకు సైతం డబ్బుల్లేవంటూ, తనను ఆదుకోవాలంటూ సోషల్ మీడియాలో ఒక వీడియో రీలీజ్ చేశారు. దీనిని చూసిన స్టార్ హీరో శింబు వెంటనే స్పందించాడు. వెంగళ్ రావు వైద్య ఖర్చుల నిమిత్తం వెంటనే రూ. 2లక్షల ఆర్థిక సాయం అందించాడు. ఆ తర్వాత ప్రముఖ హీరోయిన్ ఐశ్వర్యా రాజేశ్ తన వంతుగా రూ. 25,000 ఆర్థిక సాయం చేసింది. తాజాగా వెంగళరావుతో కలిసి ఎన్నో సినిమాల్లో నటించిన మరో పాపులర్ కమెడియన్ వడివేలు తన తోటి కమెడియన్ ను ఆదుకునేందుకు ముందుకు వచ్చారు. చికిత్స ఖర్చుల నిమిత్తం లక్ష రూపాయలు అందజేసిన వడివేలు త్వరలోనే వెంగళరావను కలవనున్నారట. ఆయన యోగక్షమాలు తెలుసుకోనున్నారట.
ఆంధ్రప్రదేశలోని విజయవాడ కు చెందిన వెంగళ్ రావు కోలీవుడ్ సినిమా ఇండస్ట్రీలో స్థిర పడ్డారు. కెరీర్ ప్రారంభంలో స్టంట్‌మెన్‌గా పని చేశారు. ఆ తర్వాత నటుడిగా మారారు. కాంతస్వామి, తలై నగరం, పగిరి.. ఇలా పలు హిట్ సినిమాల్లో నటించారు. తన కెరీర్ లో ఎక్కువగా వడివేలుతోనే కలిసి నటించరీ కమెడియన్. వీరిద్దరి కాంబినేషన్ లోనే దాదాపు 30కు పైగా సినిమాలున్నాయి. అయితే వడివేలుపై నిషేధం విధించిన తర్వాత వెంగళ రావుకు సినిమా అవకాశాలు అడుగంటాయి. దీనికి తోడు ఆర్థిక సమస్యలు ఆయనను చుట్టుముట్టాయి. ప్రస్తుతం ఆయన విజయవాడలోనే నివాసముంటున్నారు
సాయం చేయాలంటూ ఆర్థిస్తోన్న వెంగళ రావు.. వీడియో
రూ. 2 లక్షలు ఇచ్చిన శింబు..
మరిన్ని ఎంటర్టైన్‌మెంట్ వార్తల కోసం ఇక్కడ క్లిక్ చేయండి..