Prashanth Neel: కేజీఎఫ్ ద‌ర్శ‌కుడికి పుట్టిన రోజు శుభాకాంక్ష‌లు చెప్పిన టాలీవుడ్ హీరోలు.. ప్ర‌శాంత్ త‌ర్వాతి చిత్రం..

Prashanth Neel: కేజీఎఫ్ అనే ఒక్క చిత్రంతో యావ‌త్ దేశాన్ని తన‌వైపు తిప్పుకున్నాడు ద‌ర్శ‌కుడు ప్ర‌శాంత్ నీల్‌. క‌న్న‌డ సినిమా ఇండ‌స్ట్రీ నుంచి వ‌చ్చిన ఒక చిత్రం ఇంత‌లా దేశం దృష్టిని ఆక‌ర్షించ‌డం బ‌హుశా ఇదే తొలిసారి కావొచ్చు. టాలీవుడ్...

Prashanth Neel Birthday

Narender Vaitla |

Updated on: Jun 04, 2021 | 12:17 PM

Prashanth Neel: కేజీఎఫ్ అనే ఒక్క చిత్రంతో యావ‌త్ దేశాన్ని తన‌వైపు తిప్పుకున్నాడు ద‌ర్శ‌కుడు ప్ర‌శాంత్ నీల్‌. క‌న్న‌డ సినిమా ఇండ‌స్ట్రీ నుంచి వ‌చ్చిన ఒక చిత్రం ఇంత‌లా దేశం దృష్టిని ఆక‌ర్షించ‌డం బ‌హుశా ఇదే తొలిసారి కావొచ్చు. టాలీవుడ్ మొద‌లు బాలీవుడ్ వ‌ర‌కు ఈ సినిమా సంచ‌ల‌నం సృష్టించింది. దీంతో ఈ చిత్ర ద‌ర్శ‌కుడి పేరు దేశవ్యాప్తంగా మారు మోగింది. బ‌డా హీరోలు సైతం ప్ర‌శాంత్ ద‌ర్శ‌క‌త్వంలో ప‌నిచేయ‌డానికి ఆస‌క్తి చూపిస్తున్నారు. ఇదిలా ఉంటే నేడు (శుక్ర‌వారం) ప్ర‌శాంత్ నీల్ పుట్టిన రోజు. ఈ సంద‌ర్భాన్ని పురస్క‌రించుకొని సినీ ప్ర‌ముఖ‌లంతా ప్ర‌శాంత్‌కు జ‌న్మ‌దిన శుభాకాంక్ష‌లు తెలియ‌జేస్తున్నారు. ఈ క్ర‌మంలోనే టాలీవుడ్ యంగ్ హీరోలు ప్ర‌భాస్‌, ఎన్టీఆర్ ప్ర‌శాంత్‌కు సోష‌ల్ మీడియా వేదిక‌గా బ‌ర్త్‌డే విషెస్ చెప్పారు. ఈ సంద‌ర్భంగా ప్ర‌భాస్ ఇన్‌స్టాగ్రామ్‌లో పోస్ట్ చేస్తూ.. పుట్టిన రోజు శుభాకాంక్ష‌లు.. నీకు ఈరోజు ఎంతో సంతోషంగా గ‌డ‌వాల‌ని రాసుకొచ్చారు. ఇక యంగ్ టైగ‌ర్ ఎన్టీఆర్ ట్వీట్ చేస్తూ.. హ్యాపీ బ‌ర్త్‌డే బ్ర‌ద‌ర్‌. నువ్వు ఎప్పుడూ ఇలాగే సంతోషంగా ఉండు. నీతో క‌లిసి ప‌నిచేసేందుకు ఎంతో ఆస‌క్తిగా ఉన్నాను అంటూ క్యాప్ష‌న్ జోడించారు. ఇక ప్ర‌శాంత్ త‌న తొలి తెలుగు చిత్రాన్ని ప్ర‌భాస్‌తో నిర్మిస్తోన్న విష‌యం తెలిసిందే. మాఫియా నేప‌థ్యంలో తెర‌కెక్కుతోన్న స‌లార్ చిత్రంలో ప్ర‌భాస్‌ స‌ర‌స‌న శృతీహాస‌న్ న‌టిస్తోంది. ఈ సినిమాను పాన్ ఇండియా నేప‌థ్యంలో అత్యంత భారీ బ‌డ్జెట్‌తో తెర‌కెక్కిస్తున్నారు. ఇక ఈ సినిమా పూర్తికాగానే ప్ర‌శాంత్ త‌న త‌ర్వాతి చిత్రాన్ని జూనియ‌ర్ ఎన్టీఆర్‌తో తెర‌కెక్కిస్తోన్న విష‌యం తెలిసిందే.