Sharwanand: యంగ్ హీరో శర్వానంద్ మ్యారేజ్ ఫిక్స్.. వధువు తెలంగాణ అమ్మాయే..
యంగ్ హీరో శర్వానంద్ పెళ్లి పీటలు ఎక్కబోతున్నాడు. తను ప్రేమించిన అమ్మాయి మెడలో మూడు ముళ్లు వేయబోతున్నాడు. ఈ సమ్మర్‌లో వివాహం జరగనుంది.
Updated on: Jan 05, 2023 | 8:31 AM
టాలీవుడ్ మోస్ట్ ఎలిజిబుల్ బ్యాచిలర్స్ లిస్ట్‌లో యంగ్ హీరో శర్వానంద్ కూడా ఒకరు. ఈ హీరో వయస్సు ప్రజంట్ 38. దీంతో బాబు పెళ్లి పీటలు ఎప్పుడు ఎక్కుతాడా అని ఇంట్లో డైలీ డిస్కషన్ అట. ఇంట్లోనే కాదు బయట కూడా ఇదే ప్రశ్న ఎదురవుతుందట. అంతెందుకు నిన్న గాక మొన్న ఆహాలో అన్‌స్టాపబుల్ 2 కు గెస్ట్‌గా వచ్చిన సందర్భంలో కూడా బాలయ్య ఇదే ప్రశ్న అడగ్గా మాట దాటవేశాడు శర్వానంద్. తాజాగా శర్వా పెళ్లికి ఓకే చెప్పేశాడు. అంతేకాదు మ్యాచ్ కూడా ఫిక్స్ అయిందండోయ్. వధువు అమెరికాలో సాఫ్ట్‌వేర్ ఇంజనీర్ అట.
ఈ ఏడాది వేసవిలో పెళ్లికి ముహూర్తం ఫిక్స్ చేశారు. వధువు తెలంగాణ ప్రాంతానికి చెందిన అమ్మాయిగా తెలిసింది. ఆమె తాలుకా పూర్తి వివరాలు ఇంకా తెలియరాలేదు. అయితే ఇది లవ్ మ్యారేజ్ అనే మాట కూడా వినిపిస్తుంది. ఆ అమ్మాయి శర్వాకు చాలాకాలంగా తెలుసట. రెడ్డి సామాజిక వర్గం అమ్మాయితో శర్వా ఏడడుగులు వేయబోతున్నట్లు సమాచారం. ఆ అమ్మాయి వర్క్ ఫ్రమ్ హోమ్ కారణంగా ప్రజంట్ హైదరాబాద్‌లోనే ఉంటుందట.
కాగా టాలీవుడ్‌లో స్టార్స్ సంగతి పక్కన బెడితే.. యాక్టర్స్ లిస్ట్‌లో ముందుంటాడు శర్వా. తొలుత చిన్న చిన్న క్యారెక్టర్లు వేస్తూ.. ఆ తర్వాత మంచి స్కిప్టులు సెలక్ట్ చేసుకుని.. మంచి నటుడు అనిపించుకుని… ఆపై కమర్షియల్ హీరోగా ఎదిగాడు. గతేడాది ఒకే ఒక జీవితం సినిమాతో మంచి హిట్ అందుకున్నాడు. ప్రజంట్ పీపుల్స్ మీడియా ఫ్యాక్టరీ, సితార బ్యానర్లలో 2 సినిమాలు చేస్తున్నాడు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
