Hrithik Roshan: టాలీవుడ్ డైరెక్టర్‌తో బాలీవుడ్ హీరో సినిమా.. వైరల్ అవుతోన్న ఫోటో

ప్రస్తుతం సినిమా ఇండస్ట్రీ అంతా టాలీవుడ్ వైపే చూస్తున్నారు. మన సినిమాలు దేశవ్యాప్తంగానే కాకుండా ప్రపంచస్థాయిలో ప్రేక్షకులను ఆకట్టుకుంటున్నాయి. హాలీవుడ్ దర్శకులు సైతం మన సినిమాలను మెచ్చుకుంటున్నారు. ఈ క్రమంలోనే టాలీవుడ్ దర్శకులతో సినిమాలు చేయడానికి ఆసక్తి చూపుతున్నారు ఇతరభాష హీరోలు. తాజాగా బాలీవుడ్ సూపర్ హీరో హృతిక్ రోషన్ కూడా టాలీవుడ్ దర్శకుడితో సినిమా చేయడానికి రెడీ అయ్యాడని టాక్ వినిపిస్తోంది. మొన్నామధ్య ప్రభాస్, హృతిక్ రోషన్ తో కలిసి ఓ భారీ మల్టీస్టారర్ సినిమా చేయబోతున్నారని వార్త హల్ చల్ చేసింది. ఆ సినిమాకు పఠాన్ మూవీ సిద్దార్థ్ ఆనంద్ దర్శకత్వం వహిస్తారని కూడా వార్తలు వచ్చాయి. ఇక ఇప్పుడు హృతిక్ టాలీవుడ్ దర్శకుడితో సినిమా చేయనున్నారని తెలుస్తోంది.

టాలీవుడ్ లో బడా ప్రొడ్యూసర్స్ మైత్రీ మూవీ మేకర్స్  బాలీవుడ్ హీరో హృతిక్ రోషన్ తో ఒక సినిమా చేయడానికి రెడీ అవుతున్నారు అని తెలుస్తోంది. తెలుగు దర్శకుడితో ఈ సినిమా చేయనున్నారని టాక్. ఈ క్రమంలోనే దర్శకుడు హరీష్ శంకర్, గోపీచంద్ మలినేని, మైత్రీ మూవీ మేకర్స్ హృతిక్ తో కలిసి దిగిన ఫోటో ఒకటి వైరల్ అవుతోంది.

హృతిక్ హీరోగా నటిస్తున్న సినిమా షూటింగ్ హైదరాబాద్ లో జరుగుతోంది. ఈ మూవీ షూటింగ్ స్పాట్ కు వెళ్లిన హరీష్, గోపీచంద్, మైత్రీ మూవీ మేకర్స్ హృతిక్ తో కలిసి ఫోటో దిగారు. సినిమా స్టోరీ సిట్టింగ్ కోసం వీరు హృతిక్ రోషన్ ని కలిసినట్లుగా టాక్ వినిపిస్తుంది. అయితే హృతిక్ రోషన్ తో  గోపీచంద్ మలినేని, హరీష్ శంకర్ ఈ ఇద్దరిలో ఎవరు సినిమా చేస్తారన్నది ఇప్పుడు ఆసక్తికరంగా మారింది. మరి త్వరలోనే దీని పై క్లారిటీ వస్తుందేమో చూడాలి.

Hrithik Roshan1