Chiranjeevi: ‘నీలాంటి స్నేహితుడు దొరకడం నా అదృష్టం’.. మెగాస్టార్ చిరంజీవి పోస్ట్ వైరల్
సినిమాలతో పాటు సోషల్ మీడియాలోనూ ఫుల్ యాక్టివ్ గా ఉంటారు మెగాస్టార్ చిరంజీవి. తన పర్సనల్ అండ్ ప్రొఫెషనల్ లైఫ్ కు సంబంధించిన విషయాలను ఎప్పటికప్పుడు అభిమానులతో షేర్ చేసుకుంటుంటారు. అలా తాజాగా ట్విట్టర్ (ఎక్స్)లో ఒక ఇంట్రెస్టింగ్ పోస్ట్ పెట్టారు మెగాస్టార్.
Updated on: Dec 27, 2025 | 9:16 PM
మెగాస్టార్ చిరంజీవి ప్రస్తుతం వరుసగా సినిమాలు చేస్తున్నారు. భోళా శంకర్ తర్వాత వచ్చిన గ్యాప్ ను పూరిస్తూ బ్యాక్ టు బ్యాక్ సినిమాలు టేకప్ చేస్తున్నారు. ముందుగా ఈ సంక్రాంతికి మనశంకర వరప్రసాద్ గారు గా ప్రేక్షకుల ముందుకు రానున్నారు చిరంజీవి. అనిల్ రావిపూడి డైరెక్షన్ లో తెరకెక్కుతోన్న ఈ సినిమాలో లేడీ సూపర్ స్టార్ నయన తార హీరోయిన్ గా నటిస్తోంది. అలాగే విక్టరీ వెంకటేష్ కూడా మరో హీరోగా కనిపించనున్నాడు. ఇప్పటికే ఈ సినిమా నుంచి విడుదలైన టీజర్స్, గ్లింప్స్ అభిమానులను ఎంతగానో ఆకట్టుకున్నాయి. ముఖ్యంగా మీసాల పిల్ల, శఖి రేఖ పాటలు యూట్యూబ్ లో ఛార్డ్ బస్టర్స్ గా నిలిచాయి. ఇప్పటికే షూటింగ్ పూర్తి చేసుకున్న మనశంకర వరప్రసాద్ గారు సినిమా వచ్చే ఏడాది సంక్రాంతి కానుకగా థియేటర్లలో సందడి చేయనుంది. దీంతో పాటు చిరంజీవి విశ్వంభర సినిమా కూడా కంప్లీట్ చేయాల్సి ఉంది. అలాగే వాల్తేరు వీరయ్య డైరెక్టర్ కే.ఎస్. రవీంద్ర తో మరో సినిమాకు కూడా కమిట్ అయ్యారు మెగాస్టార్. ప్రస్తుతం ఈ సినిమా షూటింగుల్లో బిజీ బిజీగా ఉన్న చిరంజీవి శనివారం (డిసెంబర్ 27) సోషల్ మీడియాలో ఒక ఇంట్రెస్టింగ్ పోస్ట్ పెట్టారు.
బాలీవుడ్ స్టార్ హీరో సల్మాన్ ఖాన్ గురువారం 60వ పుట్టినరోజు జరుపుకున్నాడు. ఈ సందర్భంగా పలువురు సినీ ప్రముఖులు, అభిమానులు, నెటిజనలు అతనికి సోషల్ మీడియా వేదికగా బర్త్డే విషెస్ తెలియజేస్తున్నారు. ఈ క్రమంలో మెగాస్టార్ చిరంజీవి ఎక్స్ (ట్విటర్) వేదికగా సల్లూకు బర్త్ డే విషెస్ తెలియజేశారు. సల్మాన్ ఖాన్ తో దిగిన ఫోటోను ట్విట్టర్ లో షేర్ చేసిన చిరంజీవి.. ‘నా ప్రియమైన సోదరుడికి 60వ పుట్టినరోజు శుభాకాంక్షలు. ఈ అద్భుతమైన మైలురాయిని చేరుకున్న సల్లూ భాయ్కు నా హృదయపూర్వక శుభాకాంక్షలు. నువ్వు ఎప్పుడూ ఆయురారోగ్యాలతో పాటు అపారమైన సంతోషం, ప్రేమ పొందాలని మనసారా కోరుకుంటున్నాను. నువ్వు ఎంతో మందికి స్ఫూర్తి, ఆదర్శం. నిన్ను స్నేహితుడని పిలవడం మాలాంటివారికి దక్కిన అదృష్టం. నువ్వు మరెన్నో విజయాలు అందుకోవాలి. సుఖసంతోషాలతో గడపాలి. ఈ ప్రత్యేకమైన రోజును హ్యాపీగా ఎంజాయ్ చెయ్’ అని విషెస్ చెప్పారు
కాగా చిరంజీవి నటించిన ‘గాడ్ ఫాదర్’ మూవీలో సల్మాన్ ఖాన్ అతిథి పాత్రలో కనిపించాడు.
మెగాస్టార్ చిరంజీవి పోస్ట్..
Happy 60th birthday to my beloved brother @BeingSalmanKhan 🌟
Sallu bhai, on this special milestone, I want to share my heartfelt wishes with you. May this year bring you endless joy, good health, and all the love you truly deserve. You have always been an inspiration, not just… pic.twitter.com/4ESoduO2yA
— Chiranjeevi Konidela (@KChiruTweets) December 27, 2025
మరిన్ని సినిమా వార్తల కోసం ఇక్కడ క్లిక్ చేయండి.
