ఇప్పటికీ తరగని అందం వీరి సొంతం.. 90 లో నటించిన ఈ హీరోయిన్లలో ఎంత మందిని గుర్తు పట్టగలరు ట్రై చేయండి..

90s Stars, Timeless Bonds

దక్షిణాది చలన చిత్ర పరిశ్రమలో తమకంటూ పేరు ప్రఖ్యాతలు తెచ్చుకున్న చిత్రనిర్మాతలు, నటీనటులు గోవా వేదికగా కలుసుకున్నారు. 1990 లో వెండి తెరపై మెరిసిన హీరోయిన్లు, హీరోలతో పాటు దర్శక నిర్మాతలు కలిసి ఎంజాయ్ చేశారు. ఆ బృందం బీచ్ లో సమావేశం అయ్యారు. తమ సినిమా అనుభవాలను మాత్రమే కాదు వివిధ కార్యకలాపాల గురించి చర్చించుకున్నట్లు తెలుస్తోంది. ఈ రీయూనియన్ సిని పరిశ్రమలో ప్రముఖుల స్నేహాల కొనసాగింపుగా అభివర్ణిస్తున్నారు. ఈ జాయ్‌ఫుల్ సెలబ్రేషన్స్, సెలెబ్రిటీల సందడికి సంబంధించిన ఫోటోలు నెట్టింట్లో చక్కర్లు కొడుతున్నాయి. ఆ ఫోటోలలో ఒకటి అందరినీ ఆకర్షిస్తోంది. అందులో అప్పటి అందమైన హీరోయినలు ఉన్నారు. మీరు ఆ ఫోటోలో ఉన్న హీరోయిన్లలో ఎంత మందిని గుర్తు పట్టగలరో ప్రయత్నించండి.

గోవాలో రీ యూనియన్ లో ఒకే చోటకి చేరి సందడి చేసిన హీరో యిన్లలో ఈ ఫోటోలో ఉన్నవారు సిమ్రాన్, మీనా, సంఘవి, మాళవిక, మహేశ్వరి, సంగీత, ఊహ( శివరంజని), రీమాసేన్ లు ఉన్నారు. వీరితో పాటు జగపతి బాబు, శ్రీకాంత్ లు, దర్శకులు కె.ఎస్. రవికుమార్, శంకర్, లింగుస్వామి, మోహన్ రాజా, కొరియోగ్రాఫర్-దర్శకుడు-నటుడు ప్రభుదేవా వంటివారున్నారు.

ఈ పునఃకలయికలో సముద్ర తీరంలో సమావేశం అయ్యారు. సరదాగా పడవ మీద ప్రయాణించారు. అందరూ కలిసి భోజనం చేశారు. ఈ సమయంలో సినీ పరిశ్రమలో తాము గడిపిన సమయాన్ని గుర్తుచేసుకున్నారు. ఈ కార్యక్రమానికి సంబంధించిన ఫోటోలు, వీడియోలు వైరల్ అవుతున్నాయి. తమ అభిమాన తారలను మళ్ళీ కలిసి చూడటం అభిమానులలో ఉత్సాహాన్ని కలిగించాయి. ఈ పునఃకలయిక తారలు,వారి అభిమానులిద్దరికీ ఒక స్వీట్ మెమరీ లాంటిది.

మరిన్ని సినిమా వార్తల కోసం ఇక్కడ క్లిక్ చేయండి..