Ajith: వలిమై తర్వాత స్టైల్ మార్చిన అజిత్.. న్యూలుక్ అదుర్స్ అంటోన్న ఫ్యాన్స్..
తమిళ్ స్టార్ హీరో అజిత్కు (Ajith) ఉన్న ఫాలోయింగ్ గురించి ప్రత్యేకంగా చెప్పాల్సిన పనిలేదు. తమిళ్ స్టార్ హీరోలలో ఒకరిగా ఉన్న అజిత్ ఎప్పుడూ సాధారణంగానే కనిపిస్తుంటాడు.
Updated on: Mar 03, 2022 | 5:39 PM
తమిళ్ స్టార్ హీరో అజిత్కు (Ajith) ఉన్న ఫాలోయింగ్ గురించి ప్రత్యేకంగా చెప్పాల్సిన పనిలేదు. తమిళ్ స్టార్ హీరోలలో ఒకరిగా ఉన్న అజిత్ ఎప్పుడూ సాధారణంగానే కనిపిస్తుంటాడు. అంతేకాదు.. తాను చేయబోయే సినిమా కోసం పూర్తిగా మేకప్.. హెయిర్ కలరింగ్ వేయకుండానే న్యాచురల్గా చేస్తుంటాడు. స్టార్ హీరో అయినప్పటికీ.. అజిత్ లైఫ్ స్టైల్ చాలా ప్రత్యేకంగా ఉంటుంది. బైక్ రైడ్స్ ఎంతో ఇష్టపడే అజిత్.. ఇప్పటికే వేల కిలోమీటర్లు బైక్స్ పై ప్రయాణించాడు. అజిత్ స్టైల్.. లుక్కు ఫ్యాన్ ఫాలోయింగ్ మాత్రం ఎక్కువగానే ఉంటుంది. ప్రస్తుతం ఈ హీరో వలిమై హిట్ ఎంజాయ్ చేస్తున్నాడు. ఇటీవల విడుదలైన ఈ మూవీ బ్లాక్ బస్టర్ హిట్గా నిలిచింది. కేవలం తమిళంలోనే కాకుండా.. తెలుగులో కూడా అజిత్కు ఎక్కువగానే ఉంది. అజిత్ నటించిన ఎన్నో చిత్రాలు తెలుగులో రిలీజ్ అయ్యి సూపర్ హిట్ అందుకున్నాయి. అయితే సినిమాల్లోనే కాకుండా.. బయట ఎక్కువగా అజిత్ న్యాచురల్ లుక్లోనే కనిపిస్తాడు. తెల్ల గడ్డం, తెల్ల జుట్టుతో కనిపిస్తుంటాడు.. ఇక సినిమాల్లో కూడా అదే లుక్ మెయింటెన్ చేస్తుంటాడు.
తాజాగా సోషల్ మీడియాలో అజిత్ ఫ్యామిలీ ఫోటోస్ తెగ వైరల్ అవుతున్నాయి. అజిత్ కుమారుడు అద్విక్ బర్త్ డేను కుటుంబంతో కలిసి ఎంతో ఘనంగా సెలబ్రెట్ చేసుకున్నాడు. తన కుటుంబంతో కలిసి ఓ రెస్టారెంట్లో సందడి చేశారు అజిత్.. అతని భార్య హీరోయిన్ షాలిని.. కొడుకు.. కూతురితో కలిసి అజిత్ ఫోటోలకు ఫోజులిచ్చారు. ఇందుకు సంబంధించిన ఫోటోస్ నెట్టింట్లో తెగ వైరల్ అవుతుంది. అందులో అజిత్ మేకప్ లేకుండా.. పూర్తిగా న్యాచురల్ లుక్ లో కనిపించాడు. తెల్ల గడ్డం, తెల్ల జుట్టుతో ఉన్న అజిత్ లుక్ అదిరిపోయిందంటూ ఫ్యాన్స్ కామెంట్స్ చేస్తున్నారు. ఇక అజిత్ నటించిన వలిమై.. తెలుగు, హిందీ, కన్నడ భాషల్లో విడుదలై బ్లాక్ బస్టర్ హిట్ గా నిలిచింది. విడుదలైన మూడు రోజుల్లోనే ఈ సినిమా రూ.100 కోట్ల క్లబ్ లోకి చేరింది. ఇప్పటి వరకు ఈ మూవీ రూ. 130 నుంచి రూ. 140 కోట్ల వరకు వసూళ్లు చేసినట్లుగా అంచనా.
Ajith
