Pushpa: ప్రీరిలీజ్ కోసం ప్లాన్ చేస్తున్న పుష్ప టీమ్.. ఈవెంట్ జరిగేది ఆ రోజేనా..?

Pushpa: క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ నటిస్తున్న సినిమా పుష్ప. ఈ సినిమాకోసమే బన్నీ ఆర్మీ ఆసక్తిగా ఎదురుచూస్తున్నారు. మునుపెన్నడూ కనిపించని ఊర మాస్ గెటప్‌లో కనిపించనున్నాడు. ఇక ఈ సినిమాలో అందాల భామ రష్మిక మందాన హీరోయిన్ గా నటిస్తుంది. గ్రామీణ నేపథ్యంలో సాగే ఈ సినిమాలో రష్మిక డీ గ్లామర్ పాత్రలో కనిపించనుంది. ప్రస్తుతం శరవేగంగా షూటింగ్ జరుపుకుంటున్న ఈ సినిమా రెండు భాగాలుగా ప్రేక్షకుల ముందుకు రానుంది. త్వరలోనే ఈ సినిమా మొదటి భాగాన్ని ప్రేక్షకుల ముందుకు తీసుకురానున్నారు. ఇప్పటికే విడుదలైన ఈ సినిమా దాక్కో దాక్కో మేక, శ్రీవల్లి, సామీ సామీ, ఏ బిడ్డ ఇది నా అడ్డా అనే పాటలు ప్రేక్షకులను విపరీతంగా కట్టుకున్నాయి. యూట్యూబ్‌లో రికార్డు వ్యూస్‌ను దక్కించుకుంటున్నాయి ఈ సాంగ్స్ . ఇక ఈ సినిమా ట్రైలర్ ను త్వరలోనే ప్రేక్షకుల ముందుకు తీసుకురానున్నారని తెలుస్తుంది.

ఈ క్రమంలోనే పుష్ప ప్రీరిలీజ్ ఈవెంట్ ను గ్రాండ్ గా నిర్వహించడానికి ప్లాన్ చేస్తున్నట్టు తెలుస్తుంది. మైత్రీ మూవీ మేకర్స్ నిర్మిస్తున్న ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. డిసెంబర్ 17వ పుష్ప మొదటి భాగం ప్రేక్షకుల ముందుకు రానుంది. దాంతో ఇప్పుడు ఈ సినిమా ప్రీరిలీజ్ ఈవెంట్ పై ఆసక్తి పెరిగింది. అయితే ఈ ఈవెంట్ ను హైదరాబాద్ లోనే నిర్వహించనున్నారట. డిసెంబర్ 12వ తేదీన ప్రీ రిలీజ్ ఈవెంట్ ను ఘనంగా జరపాలనే ఆలోచనలో మేకర్స్  ఉన్నట్టు తెలుస్తుంది. త్వరలోనే దీని పై క్లారిటీ వచ్చే అవకాశం ఉంది. ఇక ఈ సినిమాలో మలయాళ స్టార్ ఫహద్ ఫాజిల్ విలన్ గా నటిస్తుండగా.. అనసూయ, సునీల్ కీలక పాత్రలో నటిస్తున్నారు.

మరిన్ని ఇక్కడ చదవండి : 

Kangana Ranaut: తమ ముందు హాజరు కావాలని నటి కంగనా రనౌత్‌కు సమన్లు​జారీ చేసిన ఢిల్లీ అసెంబ్లీ శాంతి సామరస్య కమిటీ.. ఎందుకంటే..

Chiranjeevi: ఏపీ సర్కార్ నిర్ణయంపై మెగాస్టార్ చిరంజీవి ప్రశంసలు.. కొన్ని సూచనలు

Viral Photo: ఈ పాలబుగ్గల చిన్నారికి అభిమానుల్లో యమా క్రేజ్.. తెలుగునాట సూపర్ హిట్స్ అందుకుంది..