Tollywood: ఈ చిన్నారి సౌత్​ ఇండస్ట్రీలో అగ్రతార.. గుర్తుపట్టగలరా..?

సినిమా హీరోయిన్ అంటే.. ఎక్స్​పోజింగ్ చేయాలిగా అంటారు. ఇందులో కొంతమేర నిజం ఉంది కానీ.. అందాల ప్రదర్శన చేయకుండానే స్టార్ హీరోయిన్స్‌గా రాణించనవి వారు కూడా ఉన్నారు. ఆ లిస్ట్‌లో సావిత్రి, సౌందర్య లాంటి వారు ముందు వరసలో ఉంటారు. ఆ లిస్టులో ఉన్న మరో హీరోయిన్ స్నేహ. సౌత్‌లో స్నేహ అంటే తెలియనివారు ఉడరు. గోపిచంద్ హీరోగా నటించిన ‘తొలివలపు’ సినిమాతో టాలీవుడ్​లో అడుగుపెట్టింది ఈ భామ. ఆ సినిమా పెద్దగా ఆడలేదు. ఆ తర్వాత తరుణ్‌ సరసన ‘ప్రియమైన నీకు’ లో నటించింది. ఈ మూవీ డిసెంట్ హిట్ అవ్వడంతో.. స్నేహకు బాగా క్రేజ్ వచ్చింది. అప్పట్నుంచి దూసుకుపోయింది స్నేహ.

ఎక్స్​పోజింగ్ చేయకుండా.. ఫ్యామిలీ, క్లాస్ పాత్రలవైపు మోగ్గు చూపింది. స్టార్ హీరోల సరసన అవకాశాలు దక్కించుకుంది. ‘హనుమాన్ జంక్షన్’, ‘సంక్రాంతి’, ‘రాధా గోపాలం’, ‘శ్రీ రామదాసు’, ‘వెంకీ’ లాంటి చిత్రాలు స్నేహకు మంచి పేరు తెచ్చాయి. ఆశ్చర్యకర విషయం ఏమిటంటే.. స్నేహ తెలుగు మూలాలు ఉన్న అమ్మాయి. ఆమె గ్రాండ్ పేరెంట్స్ ఏపీలోని రాజమండ్రిలో నివసించారు. ఆ తర్వాత స్నేహ పేరెంట్స్.. ముంబైలో సెటిల్ అయ్యారు. స్నేహ అక్కడే జన్మించారు. . మలయాళ దర్శకుడు పాజిల్ చొరవతో స్నేహ ఇండస్ట్రీ ఎంట్రీ ఇచ్చారు. ఆమె ఫస్ట్ మూవీ ‘ఓరు నీల పక్షి’.