20 ఏళ్ల కుర్రాడికి 60 ఏళ్ల భార్యనా.. ఎలా.. ? ఆసక్తికరంగా ‘సావిత్రి w/o సత్యమూర్తి’ పోస్టర్..
ఇటీవల కాలంలో పెద్ద సినిమాల కంటే చిన్న సినిమాలను ప్రేక్షకులు ఆదరిస్తున్నాయి. సరికొత్త కాన్సెప్ట్తో ప్రేక్షకుల ముందుకు వస్తున్న
Updated on: Jul 28, 2021 | 4:22 PM
ఇటీవల కాలంలో పెద్ద సినిమాల కంటే చిన్న సినిమాలను ప్రేక్షకులు ఆదరిస్తున్నాయి. సరికొత్త కాన్సెప్ట్తో ప్రేక్షకుల ముందుకు వస్తున్న చిన్న సినిమాలు సూపర్ హిట్ అందుకుంటున్నాయి. హీరోహీరోయిన్స్తో సంబంధం లేకుండా.. కథ నచ్చితేచాలు.. జై కొట్టేస్తున్నారు ప్రేక్షకులు. తాజాగా రెగ్యులర్ ఫార్మాట్కు పూర్తి భిన్నంగా 20 ఏళ్ల కుర్రాడికి 60 ఏళ్ల భార్య అనే కాన్సెప్ట్తో సినిమా తెరకెక్కిస్తున్నారు కొత్త దర్శకుడు చైతన్య కొండ. వైవిధ్యమైన కాన్సెప్ట్తో రూపొందిస్తున్న ఈ చిత్రానికి సావిత్రి w/o సత్యమూర్తి అనే టైటిల్ ఖరారు చేశారు. తాజాగా ఈ మూవీకి సంబంధించిన ఫస్ట్లుక్ విడుదల చేసింది చిత్రయూనిట్.
ఈ సినిమాలో హాస్యనటి శ్రీలక్ష్మి, కేరింత ఫేమ్ పార్వతీశం ప్రధాన పాత్రలలో నటించగా.. వారెడ్డి, సుమన్ శెట్టి, గౌతంరాజు, అనంత్, జెన్ని, సుబ్బరాయశర్మ, కోట శంకరావు, పద్మజయంతి కీలక పాత్రలలో నటిస్తున్నారు. ఈ సినిమాను ఏ1 క్రియేషన్స్ బ్యానర్ పై నరేంద్ర నిర్మిస్తుండగా.. ఇందులో శ్రీలక్ష్మి, పార్వతీశం భార్యభర్తలుగా కనిపించనున్నారు. తాజాగా విడుదలైన మూవీ ఫస్ట్లుక్ పోస్టర్ ప్రేక్షకులను ఆకట్టుకుంటుంది. ‘సావిత్రి w/o సత్యమూర్తి’ మూవీ కంప్లీట్ ఫ్యామిలీ ఎంటర్టైనర్ అని, కుటుంబసమేతంగా అంతా కలిసి చూడదగ్గ మంచి వినోదాత్మక సినిమా అని చిత్రయూనిట్ తెలిపింది. ఇప్పటికే షూటింగ్ పూర్తిచేసుకున్న ఈమూవీ త్వరలోనే ఆడియన్స్ ముందుకు రానున్నట్లుగా తెలుస్తోంది. ఈ సినిమాకు సత్య కశ్యప్ సంగీత అందిస్తున్నారు.
Anchor Syamala: ఉయ్యాలో.. జంపాలో.. కొడుకుతో ఆటలాడుతున్న స్టార్ యాంకర్
Sonu Sood: రోడ్డుపక్కన ఉన్న జూస్ షాపులో సడన్గా ప్రత్యక్షమైన సోనూసూద్ ..
