ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్లో పాన్ ఇండియా మూవీ `పుష్ప` తెరకెక్కుతోన్న సంగతి తెలిసిందే. ఈ మూవీపై విపరీతమైన బజ్ క్రియేట్ అయ్యింది. రెండు భాగాలుగా ఈ మూవీ రానుంది. ఇప్పటికే తొలి భాగం ‘పుష్ప ది రైజ్’ షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుపుకుంటుంది. పుష్ప సినిమా విడుదల తేదీ దగ్గర పడే కొద్ది చిత్రానికి సంబంధించిన కొత్త అప్డేట్లను వరుసగా ప్రకటిస్తూ ఫ్యాన్స్లో జోష్ నింపుతోంది మూవీ యూనిట్. డిసెంబర్ 17న ఈ సినిమా ఫస్ట్ పార్ట్ ప్రేక్షకుల ముందుకు రానుంది. ఈ క్రమంలోనే ఇప్పుడు మరో అదిరిపోయే అప్డేట్ వచ్చేసింది. ముందునుంచీ అనుకుంటున్నట్లుగానే.. ఈ మూవీలో సమంత స్పెషల్ సాంగ్లో మెరవనుంది. ఇందుకు సంబంధించిన సమాచారం పక్కాగా వచ్చేసింది. అల్లు అర్జున్తో కలిసి సమంత స్టెప్పులతో అదరగొట్టనుంది. ఈ నెల 26 నుంచి నాలుగు రోజులపాటు పాట చిత్రీకరణ ఉంటుంది. దీంతో అటు బన్నీ ఫ్యాన్స్తో పాటు, ఇటు సామ్ ఫ్యాన్స్ పండుగ చేసుకుంటున్నారు. ఈ మూవీలోని నాలుగో పాట ‘ఏయ్ బిడ్డ ఇది నా అడ్డ’ను నవంబరు 19న రిలీజ్ చేయనున్నట్లు తెలిపుతూ ఓ కొత్త పోస్టర్ను కూడా విడుదల చేసింది మూవీ టీమ్. ఇలా వరుస అప్డేట్స్తో ఫ్యాన్స్తో ఆనందంలో మునిగి తేలుతున్నారు.
Can’t wait to show you all the MASS swag of #PushpaRaj ?#PushpaFourthSingle Promo Soon ?
Full Song from Nov 19th ?#PushpaTheRiseOnDec17 ❤️ pic.twitter.com/1PLEvWk9Y7
— Mythri Movie Makers (@MythriOfficial) November 14, 2021
భారీ బడ్జెట్తో తెరకెక్కుతోన్న ‘పుష్ప’ మూవీని మైత్రీ మూవీ మేకర్స్ నిర్మిస్తోంది. ఇందులో ఐకాన్ స్టార్ బన్నీ పుష్పరాజ్ అనే ఎర్రచందనం స్మగ్లర్ పాత్రలో కనిపించనున్నారు. ఆయన ప్రేయసి శ్రీవల్లిగా రష్మిక కనిపించనుంది. విలన్గా మలయాళీ నటుడు ఫహద్ ఫాజిల్ నటిస్తున్నారు. ఇప్పటికే విడుదలైన ఈ చిత్రంలోని పాటలు, గ్లింప్స్ భారీగా అంచనాలు పెంచాయి.
Also Read: Gas Trouble: గ్యాస్ సమస్యకు ఈ సింపుల్ చిట్కాలతో చెక్ పెట్టండి.. హోమ్ రెమిడీస్