Nayantara: అయ్య బాబోయ్.. నయనతారను జిరాక్స్ తీసినట్టు మరో యువతి.. వీడియో చూస్తే..

సాధారణంగా మనిషిని పోలిన మనుషులు ఏడుగురు ఉంటారని మన పెద్దలు చెబుతుంటారు. ఈ ప్రపంచంలో ఎక్కడో ఒకచోట ఒకేవిధమైన పోలికలు ఉన్న వ్యక్తులు ఉంటారు. అయితే వీరంతా ఎక్కడున్నారు అనే విషయం తెలుసుకోవడం కష్టమే. కానీ ఇప్పుడున్న సోషల్ మీడియా టెక్నాలజీలో మనుషులను పోలిన మనుషులను గుర్తుపట్టడం చాలా తేలికైపోయింది. ఇప్పుడు సోషల్ మీడియాలో చాలా మంది రీల్స్, ఫోటోస్ షేర్ చేస్తున్నారు. అలా ఓకే విధమైన పోలికలు ఉన్నవారు సులభంగా కలిసిపోతున్నారు. ఇప్పటికే దివంగత హీరోయిన్ సౌందర్య పోలికలతో ఉన్న అమ్మాయి నెట్టింట తెగ పాపులర్ అయిన సంగతి తెలిసిందే. అలాగే దివంగత నటి సిల్క్ స్మిత పోలికలతో ఉన్న అమ్మాయి కూడా సోషల్ మీడియాలో తెగ ఫేమస్ అయ్యింది. ఇక ఇప్పుడు లేడీ సూపర్ స్టార్ నయనతారను జిరాక్స్ తీసినట్లుగా నెట్టింట ఓ అమ్మాయి వీడియో తెగ హల్చల్ చేస్తున్నాయి. అచ్చుగుద్దినట్లు నయన్ పోలికలతో ఉన్న ఆ అమ్మాయిని చూసి షాకవుతున్నారు ప్యాన్స్.

అచ్చం నయనతారలాగే ఉన్న ఆ అమ్మాయి పేరు సజినీకృష్ణ. ఇటీవల ఈ అమ్మాయి వీడియోస్ నెట్టింట తెగ వైరలవుతున్నాయి. కొద్ది రోజుల క్రితం ఒడిపోలమా సినిమాలోని ఓ పాటకు లిప్ సింగ్ చేస్తూ ఓ వీడియోను రిలీజ్ చేసింది. అందులో స్మోకీ మేకప్ లుక్ తో సాంప్రదాయ దుస్తులను ధరించి కనిపించింది. ఇక పాటకు తగినట్లుగా ఆ అమ్మాయి ఇచ్చిన ఎక్స్‌ప్రెషన్స్ మాత్రం పూర్తిగా నయనతారను గుర్తుచేస్తున్నాయి. సజినికృష్ణ వీడియోస్ అన్నింటిలోనూ అచ్చం నయన్ లా కనిపిస్తుంది. దీంతో ఆమె నయనతార చెల్లిలగా ఉందని.. అచ్చం నయనతారను చూస్తున్నట్లుగా ఉందంటూ కామెంట్స్ చేస్తున్నారు నెటిజన్స్.

సౌత్ ఇండస్ట్రీలో టాప్ హీరోయిన్లలో నయనతార ఒకరు. తెలుగు, మలయాళం, తమిళం భాషలలో అనేక సూపర్ హిట్ చిత్రాల్లో నటించింది. ఇటీవలే జవాన్ సినిమాతో హిందీ సినీ పరిశ్రమలోకి అడుగుపెట్టింది. బాలీవుడ్ బాద్ షా షారుఖ్ ఖాన్ సరసన నటించి అలరించింది. చివరిసారిగా నయన్ అన్నపూర్ణి చిత్రంలో కనిపించింది. అలాగే డియర్ స్టూడెంట్స్, పట్టు, విక్కీ 6, టెస్ట్, థని ఒరువన్ 2 వంటి చిత్రాల్లో నటించనుంది నయన్.

View this post on Instagram

A post shared by Sajinikrishna Sajinikrishna (@sajinikrishna_official_)

మరిన్ని సినిమా వార్తల కోసం ఇక్కడ క్లిక్ చేయండి.