నేను క్షేమమే..మీరు జాగ్రత్త..జానకమ్మ సందేశం..
తాను క్షేమంగా, ఎంతో ఆరోగ్యంగా ఉన్నానని గాయని ఎస్.జానకి తెలిపారు. సోషల్ మీడియాలో వచ్చే రూమర్స్ నమ్మొదని ఆడియో సందేశాన్ని పంపారు.
తాను క్షేమంగా, ఎంతో ఆరోగ్యంగా ఉన్నానని గాయని ఎస్.జానకి తెలిపారు. సోషల్ మీడియాలో వచ్చే రూమర్స్ నమ్మొదని ఆడియో సందేశాన్ని పంపారు. ఎస్.జానకి తీవ్ర అనారోగ్యంతో ఉన్నారని, కన్నుమూశారంటూ గత కొన్నిరోజులుగా సామాజిక మాధ్యమాల్లో వార్తలు సర్కులేట్ అయ్యాయి. కాగా ఈ వార్తలపై ఆమె స్పందించారు.
”నేను ఆరోగ్యంగా ఉన్నా. ఎటువంటి ఆరోగ్య సమస్యా లేదు. సోషల్ మీడియా వేదికగా పెట్టే వాటిని నమ్ముతూ కూర్చుంటే మనం ఏం చేయలేం. నా అభిమానులందరూ బాధపడుతూ ఫోన్ చేస్తున్నారు. వాళ్లకు ధైర్యం చెప్పడమే సరిపోయింది . తెలిసీ, తెలియకుండా ఇలాంటి వార్తలు ఎందుకు ప్రచారం చేస్తారు. విషయం తెలియకుండా ఎవరికి తోచినట్లు వారు పోస్ట్లు పెట్టొద్దు. కోవిడ్ కేసులు పెరుగుతున్నాయి అందరూ జాగ్రత్తలు తీసుకోండి” అని జానకి సందేశాన్ని పంపారు.