Ram Pothineni: బోయపాటి సినిమా కోసం రామ్ పెద్ద సాహసమే చేస్తున్నాడట..
ఎనర్జిటిక్ హీరో రామ్.. హిట్లు ఫ్లాప్ లతో సంబంధం లేకుండా దూసుకుపోతున్నాడు ఈ కుర్ర హీరో. జగడం సినిమాతో కెరీర్ ప్రారంభించిన రామ్ ఆ తర్వాత వరుస సినిమాలతో దూసుకుపోయాడు.
Rajeev Rayala | Edited By: Ravi Kiran
Updated on: Aug 30, 2022 | 8:19 PM
ఎనర్జిటిక్ హీరో రామ్(Ram Pothineni).. హిట్లు ఫ్లాప్ లతో సంబంధం లేకుండా దూసుకుపోతున్నాడు ఈ కుర్ర హీరో. జగడం సినిమాతో కెరీర్ ప్రారంభించిన రామ్ ఆ తర్వాత వరుస సినిమాలతో దూసుకుపోయాడు. ఇక టాలీవుడ్ లో తనకంటూ ప్రత్యేక స్థానాన్ని సొంతం చేసుకున్నాడు ఈ యంగ్ హీరో. ఇక ఈ కుర్ర హీరోకు ఇటీవల వరుస ఫ్లాప్ లు పలకరిస్తున్నాయి. మొన్నామధ్య డైనమిక్ డైరెక్టర్ పూరిజగన్నాథ్ దర్శకత్వంలో వహించిన ఇస్మార్ట్ శంకర్ సినిమా సూపర్ హిట్ ను సొంతం చేసుకుంది. ఆ సినిమాలో రామ్ తన లుక్ ను చాలా చేంజ్ చేశారు. మునుపెన్నడూ కనిపించనంత ఉరమాస్ లుక్ లుక్ లో కనిపించి ప్రేక్షకులను ఆకట్టుకున్నారు. తెలంగాణ యాసలో రామ్ చూపిన డైలాగులు ప్రేక్షకుల చేత విజిల్స్ కొట్టించాయి. ఇక ఈ సినిమా తర్వాత బ్యాక్ టు బ్యాక్ ఫ్లాప్ లు అందుకున్నాడు రామ్.
ఇస్మార్ తర్వాత వచ్చిన రెడ్, రీసెంట్ గా వచ్చిన వారియర్ సినిమాలు దారుణంగా బోల్తాకొట్టాయి. ముఖ్యంగా వారియర్. లింగుస్వామి దర్శకత్వంలో వచ్చిన ఈ సినిమా భారీ అంచనాలు మధ్య విడుదలై ఫ్లాప్ అయ్యింది. ఇక ఇప్పుడు బోయపాటి దర్శకత్వంలో సినిమా చేస్తున్నాడు రామ్. త్వరలోనే ఈ సినిమా సెట్స్ పైకి వెళ్లనుంది. బాలయ్యతో అఖండ లాంటి భారీ హిట్ అందుకున్న బోయపాటి రామ్‌తో ఎలాంటి సినిమా చేస్తారని అందరిలో ఆసక్తి నెలకొంది. అయితే ఈ సినిమాలో బోయపాటి రామ్‌ను చాలా డిఫరెంట్‌గా చూపించనున్నారట. అందులో ఒక పాత్ర కోసం రామ్ 10 కేజీలకి పైగా బరువు పెరగనున్నాడని అంటున్నారు. ఈ సినిమాలో రామ్ పాత్ర చాలా వైవిధ్యంగా ఉండనుందని తెలుస్తోంది. ఈ సినిమా యాక్షన్ ఎంటర్టైనర్ అని తెలుస్తోంది.
మరిన్ని సినిమా వార్తలకోసం ఇక్కడ క్లిక్ చేయండి
