Ram Gopal Varma : వర్మకు అపాయింట్ మెంట్ దొరికిందోచ్.. మంత్రి నానిని ఎప్పుడు కలవనున్నడంటే..
టాలీవుడ్ కు ఏపీ ప్రభుత్వానికి మధ్య కోల్డ్ వార్ నడుస్తున్న విషయం తెలిసిందే. టికెట్ ధరల విషయంలో ఏపీ ప్రభుత్వం తీసుకున్న నిర్ణయం పై సినిమా ఇండస్ట్రీ అసంతృప్తిని వ్యక్తం చేస్తున్నారు.
Ram Gopal Varma : టాలీవుడ్కు ఏపీ ప్రభుత్వానికి మధ్య కోల్డ్ వార్ నడుస్తున్న విషయం తెలిసిందే. టికెట్ ధరల విషయంలో ఏపీ ప్రభుత్వం తీసుకున్న నిర్ణయం పై సినిమా ఇండస్ట్రీ అసంతృప్తిని వ్యక్తం చేస్తున్నారు. అయితే ఈ వివాదంలోకి సంచలన దర్శకుడు రామ్ గోపాల్ వర్మ ఎంట్రీ ఇచ్చారు. వారం రోజులుగా హీట్ పెంచిన వర్మ, నాని మాటల యుద్ధం ఇప్పుడు ఓ చర్చకు దారితీయబోతోంది. టీవీ9 బిగ్ డిబేట్లో ఇద్దరి మధ్య సవాళ్లపర్వం నడిచింది. తర్వాత వర్మ ట్వీట్లు ఎంతో హీట్ను పెంచాయి. ఆయనకు కొందరు టాలీవుడ్ ప్రముఖులు కూడా మద్దతు తెలిపారు. తన యూట్యూబ్ ఛానల్, సోషల్ మీడియా వేదికగా ఆ ప్రభుత్వానికి పలు ప్రశ్నలు సంధించారు. ఈ నేపథ్యంలో మంత్రి నాని ట్విటర్లో స్పందించారు. అలా ఒకరిపై ఒకరు మాటల యుద్ధానికి దిగారు.
చివరగా.. ప్రభుత్వంతో గొడవపడాలనేది తన ఉద్దేశం కాదని, అనుమతిస్తే కలుస్తానని ఆర్జీవీ.. నానిని కోరారు. ‘త్వరలోనే కలుద్దాం’ అని నాని ఇటీవల రిప్లై ఇచ్చారు. ఈ క్రమంలో తనకు పేర్ని నాని నుంచి పిలుపు వచ్చిందని ఆర్జీవీ ట్వీట్ పెట్టారు. సినిమా టికెట్ ధరల విషయం చర్చించేందుకు తనను ఏపీ సినిమాటోగ్రఫీ శాఖ మంత్రి పేర్ని నాని ఆహ్వానించారని రామ్గోపాల్ వర్మ పోస్ట్ చేశారు. తన ట్విటర్ హ్యాండిల్ ద్వారా ఈ విషయాన్ని వెల్లడించారు. అమరావతి సచివాలయంలో జనవరి 10న మధ్యాహ్నం భేటీ అవుతున్నామన్నారు. తనకు ఈ అవకాశం ఇచ్చినందుకు పేర్ని నానికి ధన్యవాదాలు తెలిపారు. అయితే ఇద్దరి మధ్య ఎలాంటి చర్చ నడవబోతోందనేది ఇంట్రస్టింగ్గా మారింది. వర్మ సినిమా ఇండస్ట్రీ తరఫున ఏమేమి అంశాలు పేర్ని నాని దగ్గరికి తీసుకోబోతున్నారు? లేకపోతే.. ప్రముఖుల్ని ఎవర్నైనా తీసుకెళ్తారా? టికెట్ల విషయంలో ప్రభుత్వం స్పందించేలా ఏం చేయబోతున్నారనేది చూడాలి.
Happy to inform that I have been invited by the honourable cinematography minister to the Amaravati Secretariat on January 10 th afternoon ….Thank u @perni_nani Garu for your kind initiative to exchange views on the AP ticket pricing for an amicable solution?
— Ram Gopal Varma (@RGVzoomin) January 7, 2022
మరిన్ని ఇక్కడ చదవండి :