Ram Gopal Varma: ‘హ్యాపీ ఎనిమీస్ డే ‘అంటూ రచలేపిన ఆర్జీవీ.. వైరల్ అవుతున్న వర్మ ట్వీట్..

ప్రపంచంలో ఏదీ ఆశించకుండా దక్కేది ఒక్క స్నేహమే.. ప్రపంచంలో ప్రేమించని మనిషి ఉంటాడేమో కానీ స్నేహం చేయని మనిషి ఉండరు.

Updated on: Aug 01, 2021 | 1:42 PM

Ram Gopal Varma: ప్రపంచంలో ఏదీ ఆశించనిది స్నేహమే. భూమి మీద ప్రేమించని మనిషి ఉంటాడేమో కానీ.. స్నేహం చేయని వారంటూ ఉండరు. కేవలం మనుషుల్లోనే కాదు జంతువుల్లోనూ ఈ స్నేహభావం ఉంటుంది. నేడు అంతర్జాతీయ స్నేహితుల దినోత్సం సందర్భంగా.. అందరు తమ నేస్తాలకు విషెస్ తెలుపుకుంటున్నారు. అయితే వివాదాల వర్మ మాత్రం వెరైటీగా స్పందించారు. ఏ విషయమైన సంచలనం చేయనిదే నిద్రపోని వర్మ.. స్నేహితుల దినోత్సవం సందర్భంగా ఓ ఇంట్రస్టింగ్ ట్వీట్ చేశారు. ‘హ్యాపీ ఎనిమీస్ డే’ అంటూ ట్వీట్ చేశారు. అలాగే, స్నేహితులు ఎలా ఉంటారన్న విష‌యంపై తన అభిప్రాయాన్ని పంచుకున్నారు.

‘స్నేహితుడికి సాయం చేస్తే ఓ స‌మ‌స్య వ‌స్తుంది. వాడికి మ‌రోసారి సాయం అవ‌స‌ర‌మైన‌ప్పుడు కూడా మ‌ళ్లీ నీ ద‌గ్గ‌రికే వ‌చ్చి అడుతాడు’ అని రామ్ గోపాల్ వ‌ర్మ‌ రాసుకొచ్చాడు. ఇప్పుడు వర్మ ట్వీట్ వైరల్ అవుతోంది. వర్మ ట్వీట్ పై నెగిటివ్ కామెంట్స్ వస్తున్నాయి. మరి కొంతమంది వాస్తవమే అంటూ ట్వీట్ చేస్తున్నారు. ఇక వర్మ ఇప్పుడు ఓటీటీని షేక్ చేయడానికి సిద్దమగా ఉన్నారు. దాదాపు డజన్ కు పైగా సిరీస్ లను ఓ అరడజను సినిమాలను లైన్ లో పెట్టి ఉంచారు వర్మ.

Enemies are more courageous because they face you unlike cowardly friends who backstab you ?#HappyEnemyshipDay

— Ram Gopal Varma (@RGVzoomin) August 1, 2021