RGV: మ‌రో హారర్‌ మూవీ చేయ‌నున్న సంచ‌ల‌న ద‌ర్శ‌కుడు.. అగ్ర హీరోతో భ‌య‌పెట్టించ‌నున్న వ‌ర్మ‌..

RGV: సంచ‌ల‌నానికి మారు పేరు ద‌ర్శ‌కుడు రామ్‌గోపాల్ వ‌ర్మ‌. వ‌ర్మ ఎక్క‌డ ఉంటే అక్క‌డ కాంట్ర‌వ‌ర్సీ ఉంటుంది. ఏ అంశాన్నైనా త‌న‌కు అనుకూలంగా మార్చుకునే వ‌ర్మ నిత్యం వార్త‌ల్లో నిలుస్తుంటారు. సినిమాల‌కంటే త‌న...

Rgv Next Movie

Narender Vaitla |
Updated on: Jun 25, 2021 | 9:30 PM

RGV: సంచ‌ల‌నానికి మారు పేరు ద‌ర్శ‌కుడు రామ్‌గోపాల్ వ‌ర్మ‌. వ‌ర్మ ఎక్క‌డ ఉంటే అక్క‌డ కాంట్ర‌వ‌ర్సీ ఉంటుంది. ఏ అంశాన్నైనా త‌న‌కు అనుకూలంగా మార్చుకునే వ‌ర్మ నిత్యం వార్త‌ల్లో నిలుస్తుంటారు. సినిమాల‌కంటే త‌న ఇంట‌ర్వ్యూలు, అందులో చేసే వ్యాఖ్య‌ల‌తో అంద‌రి దృష్టిని ఆక‌ర్షిస్తారు వ‌ర్మ‌. ఇదిలా ఉంటే గ‌త కొన్ని రోజులు చిన్న చిన్న సినిమాలు చేస్తూ వ‌స్తోన్న వ‌ర్మ తాజాగా బ‌డా హీరోతో చేతులు క‌ల‌ప‌నున్న‌ట్లు తెలిపారు. అందులోనూ వ‌ర్మ ఫెవ‌రేట్ స‌బ్జెట్ అయిన హ‌ర్ర‌ర్ నేప‌థ్యంలో సినిమాను తెర‌కెక్కించ‌నున్న‌ట్లు ప్ర‌క‌టించారు. తాజాగా టీవీ9లో జ‌రిగిన బిగ్ న్యూస్ బిగ్ డిబెట్ కార్య‌క్ర‌మంలో పాల్గొన్న వ‌ర్మ త‌న త‌దుప‌రి చిత్రంపై ఆస‌క్తికర వ్యాఖ్య‌లు చేశారు. వ‌ర్మ త‌న తదుప‌రి చిత్రాన్ని బాలీవుడ్ సూప‌ర్ స్టార్ అమితాబ్ బ‌చ్చ‌న్‌తో తీయ‌నున్న‌ట్లు తెలిపిన వ‌ర్మ‌.. ఈ సినిమాను హ‌ర‌ర్‌ క‌థాంశంతో తీయనున్న‌ట్లు తెలిపారు. ఈ చిత్రాన్ని హిందీలోనే తీయ‌నున్న‌ట్లు వ‌ర్మ స్ప‌ష్టం చేశారు. క‌మ్మ రాజ్యంలో క‌డ‌ప రెడ్లు సినిమాకు సీక్వెల్ తెర‌కెక్కించే ఆలోచ‌న ఏమైనా ఉందా.? అన్న ప్ర‌శ్న‌కు స్పందించిన వ‌ర్మ‌.. ఎన్నిక‌ల కోసం ఎదురు చూస్తున్న‌ట్లు చెప్పుకొచ్చారు.