Madhavan: మేము మిమ్మల్ని ప్రేమిస్తున్నాము.. మాకు చైత్యన్యం ఇచ్చింది మీరే.. సూపర్ స్టార్ పై మాధవన్ ఎమోషనల్ పోస్ట్..
మేము వన్ మ్యాన్ ఇండస్ట్రీ, లెజెండ్ నుంచి ప్రశంసలు తీసుకుంటున్నాము. ఈ క్షణాన్ని ఎప్పిటికీ మర్చిపోలేము. మీ మంచి మాటలకు, అభిమానానికి ధన్యవాదాలు
Updated on: Jul 31, 2022 | 4:05 PM
హీరో మాధవన్ (Madhavan) ప్రధాన పాత్రలో నటించి.. స్వీయ దర్శకత్వం వహించిన సినిమా రాకెట్రీ. ది నంబి ఎఫెక్ట్. ప్రముఖ ఇస్రో శాస్త్రవేత్త నంబి నారాయణన్ జీవితం ఆధారంగా వచ్చిన ఈ సినిమా సూపర్ హిట్ అయ్యింది. ప్రేక్షకుల నుంచి ఈ సినిమాకు మంచి రెస్పాన్స్ వచ్చింది. తాజాగా ఈ మూవీకి సూపర్ స్టార్ రజినీ కాంత్ సైతం ఫిదా అయ్యారు. ఇస్రో శాస్త్రవేత్త నంబి నారాయణన్ జీవితాన్ని ప్రేక్షకుల ముందుకు తీసుకువచ్చినందుకు హీరో మాధవన్ తోపాటు నంబి నారాయణన్ ను రజినీ కాంత్ శాలువాతో సత్కరించారు. ఇందుకు సంబంధించిన వీడియోను మాధవన్ తన ట్విట్టర్ ఖాతాలో షేర్ చేస్తూ ఎమోషనల్ పోస్ట్ చేశారు.
మేము వన్ మ్యాన్ ఇండస్ట్రీ, లెజెండ్ నుంచి ప్రశంసలు తీసుకుంటున్నాము. ఈ క్షణాన్ని ఎప్పిటికీ మర్చిపోలేము. మీ మంచి మాటలకు, అభిమానానికి ధన్యవాదాలు. రజినీకాంత్ సర్. మీ ప్రేరణ మాకు పూర్తిగా చైతన్యం నింపింది. ప్రపంచం మాదిరిగానే మేము మిమ్నల్ని ప్రేమిస్తున్నాము అంటూ రాసుకొచ్చారు. సూపర్ స్టార్ రజినీకాంత్ ను, ఇస్రో శాస్త్రవేత్త నంబి నారాయణన్, మాధవన్ ను ఓకే ఫ్రేములో చూసిన నెటిజన్స్ మాధవన్ కు శుభాకాంక్షలు తెలుపుతున్నారు. రాకెట్రీ సినిమాతో మాధవన్ దర్శకుడిగా పరిచయమయ్యారు. వర్గీస్ మూలాన్ పిక్చర్స్, ట్రైకలర్ ఫిల్మ్స్ నిర్మించిన ఈ సినిమాలో సిమ్రాన్, రంజిత్ కపూర్, సూర్య కీలకపాత్రలలో నటించారు.
When you get the blessings from a one man industry & the Leagend himself in the presence on @NambiNOfficial -it’s a moment etched for eternity-Thank you for you kindest words on #Rocketry & the affection @rajinikanth sir.This motivation has completely rejuvenated us. We love you pic.twitter.com/ooCyp1AfWd
— Ranganathan Madhavan (@ActorMadhavan) July 31, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
