Adipurush: ట్రిపులార్ తర్వాత ఆ ఘనత సాధించిన మూవీగా ఆదిపురుష్ రికార్డ్..
ఆదిపురుష్.. ఇప్పుడు ఎక్కడా విన్నా ఈ పేరు మారుమోగుతోంది. ప్రభాస్ అభిమానులతో పాటు సగటు సినీ ప్రేక్షకుడు ఎప్పుడెప్పుడా అని ఎదురు చూస్తున్న రోజు రానే వచ్చేసింది. ప్రపంచవ్యాప్తంగా 7వేలకి పైగా థియేటర్లలో విడుదలైంది. విడుదలైన తొలి షో నుంచే పాజిటివ్ టాక్తో దూసుకుపోతోందీ మూవీ. ఇప్పటి వరకు ఉన్న అన్ని రికార్డులను బద్దలు...
Updated on: Jun 16, 2023 | 8:30 AM
ఆదిపురుష్.. ఇప్పుడు ఎక్కడా విన్నా ఈ పేరు మారుమోగుతోంది. ప్రభాస్ అభిమానులతో పాటు సగటు సినీ ప్రేక్షకుడు ఎప్పుడెప్పుడా అని ఎదురు చూస్తున్న రోజు రానే వచ్చేసింది. ప్రపంచవ్యాప్తంగా 7వేలకి పైగా థియేటర్లలో విడుదలైంది. విడుదలైన తొలి షో నుంచే పాజిటివ్ టాక్తో దూసుకుపోతోందీ మూవీ. ఇప్పటి వరకు ఉన్న అన్ని రికార్డులను బద్దలు కొట్టడం పక్కానని సినీ క్రిటిక్స్ అభిప్రాయపడుతున్నారు. అత్యంత భారీ బడ్జెట్తో తెరకెక్కిన సినిమా విజువల్స్కి ప్రేక్షకులు ఫిదా అవుతున్నారు.
ఇదిలా ఉంటే సినిమా విడుదలకు ముందే ఆదిపురుష్ పలు రికార్డులను తిరగరాసింది. అత్యధిక థియేటర్లలో విడుదలై అరుదైన రికార్డును సాధించుకున్న ఈ సినిమా మరో గుర్తింపును సంపాదించుకుంది. ట్రిపులార్ సినిమా తర్వాత అరుదైన గౌరవాన్ని దక్కించుకుని రెండో స్థానంలో నిలిచింది. ప్రముఖ ఆన్లైన్ సినిమా టికెట్ బుకింగ్ పోర్టల్ ‘బుక్ మై షో’లో ఈ రికార్డును దక్కించుకుంది. ఈ ప్లాట్ఫామ్లో 10లక్షలమంది ఈ చిత్రాన్ని చూసేందుకు ఆసక్తిగా ఉన్నట్లు తెలిపారు. ఈ యాప్లో ఇప్పటి వరకు 1.75 మిలియన్ ఇంట్రెస్టులతో ‘ఆర్ఆర్ఆర్’ మొదటి స్థానంలో ఉండగా.. ఇప్పుడు 1 మిలియన్ లైక్స్తో ‘ఆదిపురుష్’ రెండో స్థానంలో నిలిచింది.
ఇదిలా ఉంటే టికెట్ల విషయంలోనూ ఆదిపురుష్ పాత రికార్డులను బద్దలు కొట్టింది. సౌత్ ఇండియాతో పాటు నార్త్లోనూ ఆదిపురుష్ ఓపెనింగ్స్లో దూసుకుపోతోంది. సోషల్ మీడియా వేదికగా కూడా ఆదిపురుష్కి సెలబ్రిటీల నుంచి మద్ధతు లభిస్తోంది. సినిమా హిట్ కావాలంటూ బాలీవుడ్ మొదలు టాలీవుడ్ వరకు పలు ప్రముఖులు శుభాకాంక్షలు చెబుతూ ట్వీట్స్ చేస్తున్నారు.
మరిన్ని సినిమా వార్తల కోసం క్లిక్ చేయండి..
