Naatu Naatu song : సోషల్ మీడియాను షేక్ చేస్తోన్న నాటు నాటు సాంగ్.. దేశమంతా డాన్స్ చేస్తుంది

Rrr

ఆర్ఆర్ఆర్ సినిమాకు ఆస్కార్ అవార్డు రావడంతో దేశం మొత్తం రాజమౌళిని ఆకాశానికెత్తేస్తోంది. రామ్ చరణ్ అల్లూరి సీతారామరాజుగా, ఎన్టీఆర్ కొమురం భీమ్ గా నటించిన ఆర్ఆర్ఆర్ సినిమా సంచలన విజయం సాధించిన విషయం తెలిసిందే. భారీ అంచనాల మధ్య విడుదలైన ఈ సినిమా ఆ అంచనాలను దాటి సక్సెస్ ను సాధించింది. ప్రపంచం మొత్తం మన వైపు చూసేలా చేశారు జక్కన. ఇక ఈ సినిమాలో నాటు నాటు పాట.. గోల్డెన్ గ్లోబల్ అవార్డుతో పాటు ఎంతో ప్రతిశాత్మక మైన ఆస్కార్ అవార్డును కూడా సొంతం చేసుకుంది. ఎంఎం కీరవాణి సంగీత సారథ్యంలో నాటు నాటు అనే పాటను చంద్రబోస్ రచించారు. అలాగే ప్రేమ్ రక్షిత్ ఈ పాటకు కొరియోగ్రఫీ చేశారు. చరణ్, తారక్ ఈ పాటలో అద్భుతంగా డాన్స్ చేసి అలరించారు.

నాటు నాటు సాంగ్ ను ఉక్రెయిన్ లో షూట్ చేశారు. దాదాపు 17 రోజుల పాటు ఈ పాటకు రిహార్సిల్స్ చేశారు చరణ్, తారక్. అలాగే ఐదురోజులు ఈ పాటను చిత్రీకరించారు జక్కన్న. దాదాపు 500 మందితో ఈ పాటను షూట్ చేశారు రాజమౌళి. ఈ పాటలోని చరణ్, తారక్ కలిసి చేసిన హుక్ స్టెప్ బాగా పాపులర్  అయిన విషయం తెలిసిందే.

ఇక నాటు నాటు పాటకు ఆస్కార్ రావడంతో చాలా మంది ఈ సినిమాలోని హుక్ స్టెప్ ను చేసి సోషల్ మీడియాలో షేర్ చేస్తున్నారు. ఇప్పటికే చాలా మంది ఈ ఆ పాటకు డాన్స్ చేసి వీడియోలను షేర్ చేస్తున్నారు. దేశం, బాషాతో సంబంధం లేకుండా అందరు నాటు నాటు పాటకు డాన్స్ లు వేస్తున్నారు.

https://images.tv9telugu.com/wp-content/uploads/2023/03/whatsapp-video-2023-03-13-at-41417-pm.mp4?_=3

https://images.tv9telugu.com/wp-content/uploads/2023/03/whatsapp-video-2023-03-13-at-82629-pm.mp4?_=4