సుశాంత్​ మ‌ర‌ణంతో కలత చెంది 12 ఏళ్ల బాలుడు ఆత్మహత్య..!

బాలీవుడ్​ హీరో సుశాంత్​సింగ్​ రాజ్​పుత్​ ఆత్మ‌హ‌త్య ప‌లువురి మ‌న‌సుల‌ను మెలిపెడుతోంది. ఈ ఘ‌ట‌న‌పై బాలీవుడ్ లోని నెపోటిజంపై తీవ్ర విమ‌ర్శ‌లు వ‌స్తున్నాయి. ఇదిలా ఉండ‌గా ప‌లువురు సున్నిత మ‌న‌స్కులు..సుశాంత్ మ‌ర‌ణంతో క‌ల‌త చెంది త‌నువు చాలిస్తున్నారు. తాజాగా బిహార్​కు చెందిన ఓ 12 ఏళ్ల బాలుడు సుశాంత్ మ‌ర‌ణాన్ని త‌ట్టుకోలేక సూసైడ్ చేసుకున్నాడు. హీరో బలవన్మరణానికి పాల్ప‌డిన‌ట్టుగానే ఈ బాలుడూ ఉరి వేసుకుని చనిపోయాడని పోలీసులు తెలిపారు.

పోలీసుల తెలిపిన వివ‌రాల ప్ర‌కారం..గ‌త‌ వారం రోజులుగా సుశాంత్​ ఆత్మ‌హ‌త్య‌కు సంబంధించిన వార్త‌లు చూస్తూ ఆ బాలుడు టీవీకి అతుక్కుపోయాడని ఫ్యామిలీ మెంబ‌ర్స్ తెలిపారు. దీంతో తీవ్రంగా కలత చెంది శనివారం తన గదిలో ఉరి వేసుకుని ఉంటాడని పోలీసులు భావిస్తున్నారు. కుటుంబ సభ్యులు కోర‌డంతో పోస్టుమార్టం నిర్వహించలేదని అసిస్టెంట్​ పోలీస్​ సూపరిటెండెంట్​ సర్వేస్​ మిశ్రా పేర్కొన్నారు. పిల్ల‌ల్ని ఇటువంటి వార్త‌ల‌కు దూరంగా ఉంచాల‌ని ఆయ‌న కోరారు.

సుశాంత్​ మృతితో ఆవేద‌న చెందిన ఆయ‌న ఫ్యాన్స్ కొంద‌రు ఆత్మహత్యలకు పాల్పడ్డారు. బరౌలీకి చెందిన టెన్త్ విద్యార్థి, ఒడిశాలో ఓ ప్రైవేట్ స్కూల్ టీచ‌ర్, అదే విధంగా అండమాన్​ నికోబార్​ దీవుల్లో ఓ యువకుడు సూసైడ్ చేసుకున్న‌ట్లు పోలీసుల ప్రాథమిక దర్యాప్తులో వెల్ల‌డైంది.