Nithin’s Maestro: నానితో పోటీకి సై అంటున్న నితిన్.. ఓటీటీలో తలపడనున్న సినిమాలు..

Nithin's Maestro: నానితో పోటీకి సై అంటున్న నితిన్.. ఓటీటీలో తలపడనున్న సినిమాలు..

యంగ్ హీరో నితిన్ నటిస్తున్న తాజా చిత్రం మాస్ట్రో. బాలీవుడ్‌లో సూపర్ హిట్ అయినా 'అంధాదున్'  సినిమాకు రీమేక్‌గా ఈ మూవీ రాబోతుంది.

Rajeev Rayala

|

Aug 19, 2021 | 7:39 PM

Nithin’s Maestro: యంగ్ హీరో నితిన్ నటిస్తున్న తాజా చిత్రం మాస్ట్రో. బాలీవుడ్‌లో సూపర్ హిట్ అయిన ‘అంధాదున్’  సినిమాకు రీమేక్‌గా ఈ మూవీ రాబోతుంది. ఈ సినిమాలో నితిన్ అంధుడిగా కనిపించనున్నాడు. అలాగే హీరోయిన్‌గా ఇస్మార్ట్ బ్యూటీ నభానటేష్ నటిస్తుండగా ముఖ్య పాత్రలో మిల్కీ బ్యూటీ తమన్నా కనిపించనుంది. ఈ సినిమా మేర్లపాక గాంధీ దర్శకత్వం వహిస్తున్నారు. ఇటీవల విడుదలైన ఈ సినిమా ఫస్ట్ లుక్, పోస్టర్లు ప్రేక్షకుల్ని ఆకట్టుకున్నాయి. చాలా వరకు ఈ సినిమా షూటింగ్ కూడా జరుపుకుంది. మిగిలి ఉన్న కొద్ది భాగం చిత్రీకరణను ఇటీవలే ముగించారు టీమ్. గత కొన్నిరోజుల నుండి సినిమాను ఓటీటీలోకి విడుదలచేస్తారనే వార్తలు ఫిల్మ్ నగర్లో చక్కర్లు కొడుతున్నాయి. తాజా సమచారం మేరకు ఈ సినిమాను సుమారు రూ. 32 కోట్లకు ప్రముఖ ఓటీటీ సంస్థ హాట్ స్టార్ కొనుగోలు చేసినట్టు తెలుస్తోంది.

ఇక ఈ సినిమా ‌’వినాయకచవితి’ కానుకగా వచ్చేనెల( సెప్టెంబర్) 10వ తేదీ నుంచి స్ట్రీమింగ్ కానున్నట్టు చెబుతున్నారు. మహతి స్వర సాగర్ సంగీతాన్ని అందించిన ఈ సినిమాలో, జిషు సేన్ గుప్తా ఒక కీలకమైన పాత్రను పోషించాడు. అలాగే ప్రత్యేకమైన పాత్రలో యాంకర్ శ్రీముఖి అలరించనుంది. ఇక నితిన్ ఇప్పటికే చెక్, రంగ్ దే సినిమాతో ప్రేక్షకుల ముందుకు వచ్చాడు. ఈ రెండు సినిమాల్లో చెక్ దారుణంగా నిరాశ పరచగా. రంగ్ దే సినిమా పర్లేదనిపించుకుంది. ఇక ఇప్పుడు మాస్ట్రో  పైనే ఆశలు పెట్టుకున్నాడు ఈ కుర్రహీరో. ఎన్‌. సుధాకర్‌రెడ్డి, నిఖితారెడ్డిలు నిర్మిస్తున్న ఈ చిత్రాన్ని ఠాగూర్ మధు సమర్పించనున్నారు. నితిన్ కెరీర్లో ఇదే పూర్తిస్థాయి ప్రయోగాత్మక చిత్రం. ఇదిలా ఉంటే నేచురల్ స్టార్ నాని నటించిన టక్ జగదీష్ సినిమా కూడా ఓటీటీ వేదికగానే ప్రేక్షకుల ముందుకు రానుంది. ఈ విషయం పై ఇప్పటికే నాని ఇన్‌డైరెక్ట్‌గా క్లారిటీ ఇచ్చాడు. ఈ సినిమా కూడా వినాయక చవితి కానుకగా సెప్టెంబర్ 10న విడుదలకానుంది.

మరిన్ని ఇక్కడ చదవండి : 

Balakrishna: విలన్ పాత్రకోసం విలక్షణ నటుడు.. బాలయ్య కోసం బరిలోకి తమిళ్ హీరో

Sai Dharam Tej – Vaishnav Tej: మెగా బ్రదర్స్ మధ్య బాక్సాఫీస్ వార్.. వారం గ్యాప్‌లో రిలీజ్ అవుతున్న సినిమాలు..

Nayanthara : మెగాస్టార్ లూసిఫర్ రీమేక్‌లో నయనతార పాత్ర అదేనా..? క్లారిటీ వచ్చేసినట్టే.. ?

Follow us on

Related Stories

Most Read Stories

Click on your DTH Provider to Add TV9 Telugu