Balakrishna: విలన్ పాత్రకోసం విలక్షణ నటుడు.. బాలయ్య కోసం బరిలోకి తమిళ్ హీరో

Balakrishna: విలన్ పాత్రకోసం విలక్షణ నటుడు.. బాలయ్య కోసం బరిలోకి తమిళ్ హీరో
Balakrishna

నటసింహం నందమూరి బాలకృష్ణ త్వరలో అఖండ సినిమాతో ప్రేక్షకుల ముందుకు రాబోతున్న విషయం తెలిసిందే. ఈ సినిమా షూటింగ్ ప్రస్తుతం శరవేగంగా జరుగుతుంది.

Rajeev Rayala

|

Aug 19, 2021 | 4:58 PM

Nandamuri Balakrishna: నటసింహం నందమూరి బాలకృష్ణ త్వరలో అఖండ సినిమాతో ప్రేక్షకుల ముందుకు రాబోతున్న విషయం తెలిసిందే. ఈ సినిమా షూటింగ్ ప్రస్తుతం శరవేగంగా జరుగుతుంది. ఈ సినిమాలో మరోసారి బాలకృష్ణను పవర్ ఫుల్ పాత్రలో చూపించనున్నాడు బోయపాటి. ఇప్పటికే విడుదలైన ఈ సినిమా టీజర్లు ప్రేక్షకులను విపరీతంగా ఆకట్టుకున్నాయి. ఈ సినిమాలో రెండు విభిన్నమైన పాత్రల్లో కనిపించనున్నాడు బాలయ్య. అఖండ సినిమా తర్వాత గోపీచంద్ మలినేని దర్శకత్వంలో సినిమా చేస్తున్నాడు ఈ నట సింహం. ఇప్పటికే బాలయ్యకు కథను కూడా వినిపించాడు గోపీచంద్. ఈ సినిమాలో బాలకృష్ణ ఫ్యాక్షనిస్ట్‌గా కనిపించనున్నాడని టాక్. అఖండ సినిమా షూటింగ్ పూర్తయిన వెంటనే… ఈ సినిమాను మొదలు పెట్టనున్నాడు బాలకృష్ణ. ఇటీవలే గోపీచంద్ మలినేని క్రాక్ సినిమాతో సాలిడ్ హిట్ అందుకున్న విషయం తెలిసిందే. చాలా కాలంగా హిట్ కోసం ఎదురుచూస్తున్న రవితేజకు అదిరిపొయ్యే హిట్ ఇచ్చాడు గోపీచంద్. దాంతో ఇప్పుడు బాలకృష్ణ కోసం ఎలాంటి కథ సిద్ధం చేశారన్నదానిపై అభిమానుల్లో ఆసక్తి మొదలైంది. ఇదిలా ఉంటే ఈ సినిమాలో విలన్‌‌గా ఓ స్టార్ హీరోను ఎంపిక చేశారని తెలుస్తుంది.

బాలయ్యను ఢీ కొట్టే విలన్‌గా తమిళ నటుడు విజయ్ సేతుపతి కనిపించనున్నాడని తెలుస్తుంది. తన విలక్షణ నటనతో ఎంతో మంది ప్రేక్షకులను సంపాదించుకున్న విజయ్ సేతుపతి ఇటీవల విలన్‌గాను మెప్పిస్తున్నారు. దళపతి విజయ్ నటించిన మాస్టర్ సినిమాలో విలన్‌గా నటించి మెప్పించాడు సేతుపతి. అలాగే తెలుగులో ఉప్పెన సినిమాతో ఆకట్టుకున్నాడు. మెగా హీరో వైష్ణవ్ తేజ్ నటించిన ఉప్పెన సినిమాలో హీరోయిన్ తండ్రిగా నెగిటివ్ షేడ్స్ ఉన్నపాత్రలో నటించి ఆకట్టుకున్నారు. ఇక ఇప్పుడు బాలయ్య సినిమాలో మరోసారి విలనిజం చూపించనున్నారని టాక్ వినిపిస్తుంది. విజయ్ సేతుపతికి ఉన్న క్రేజ్ ఈ సినిమాకు మరింత హెల్ప్ అవుతుందని గోపీచంద్ మలినేని భవిస్తున్నారట.

1

మరిన్ని ఇక్కడ చదవండి : 

Shilpa Shetty: ఇంకా జైల్లోనే భర్త రాజ్ కుంద్రా.. కెమెరా ముందుకొచ్చిన శిల్పా శెట్టి

Mushroom Benefits: పుట్టగొడుగులతో మొటిమలకు చెక్.. ముఖం మరింత అందంగా కనిపించాలంటే మష్రూమ్స్ ఇలా వాడాల్సిందే..

TGWDCW Recruitment: తెలంగాణలో పది ఉత్తీర్ణులైన మహిళలకు గుడ్ న్యూస్.. ప్రభుత్వ ఉద్యోగాలకు నోటిఫికేషన్

Follow us on

Related Stories

Most Read Stories

Click on your DTH Provider to Add TV9 Telugu