Nayanthara: నయనతార ఫ్యాన్స్‌కు సర్ ప్రైజ్.. ఆ సినిమా ఓటీటీ రిలీజ్ ఫిక్స్..! విఘ్నేష్ శివన్ కీ రోల్

డిజిటల్ ఆడియెన్స్ ని మరోసారి గట్టిగా పలకరించబోతున్నారు లేడీ సూపర్ స్టార్ నయనతార. ఆర్టిస్టుగా అన్నీ ఎక్స్ పరిమెంటల్ మూవీసే చేస్తున్న నయన్.. వాటి రిలీజ్ కి మాత్రం ఓటీటీల‌నే నమ్ముకుంటున్నారు. త్వరలో మరో సర్ ప్రైజ్ తో రెడీగా ఉన్నారట. దర్బార్, అన్నాత్తే లాంటి కమర్షియల్ మూవీస్ లో చేస్తూనే మధ్యలో చిన్నచిన్న గ్యాప్స్ తీసుకుని… తనకు నచ్చిన.. తాను చేయాలని కలలు కంటున్న ఛాలెంజింగ్ రోల్స్ ని కంప్లీట్ చేస్తున్నారు నయనతార. లేటెస్ట్ గా.. ఆమె నటిస్తున్న నెట్రిక్కన్ అనే క్రైమ్ థ్రిల్లర్ కూడా అటువంటిదే. ఇందులో చూపు లేని ఒక సాహస వనితగా కనిపిస్తారు నయన్. మిలింద్ రావ్ డైరెక్ట్ చేసిన ఈ మూవీ డిజిటల్ రిలీజ్ ని కన్ఫామ్ చేసుకుంది. డీల్ ఓకే అయినప్పటికీ.. రిలీజ్ డేట్ పై క్లారిటీ వచ్చేవరకు అనౌన్స్ మెంట్ ని పెండింగ్ లో పెట్టారు. తెలుగులో మూడో కన్ను అనే టైటిల్ ని పరిశీలిస్తున్నారు. ఇందులో విఘ్నేష్ శివన్ ఓ కీలక పాత్రలో నటిస్తున్నారు. లవ్ బర్డ్స్ గా పేరున్న ఈ కపుల్ ని స్క్రీన్ పై చూడ్డానికి ఆతృతగా వెయిట్ చేస్తున్నారు డిజిటల్ ఆడియెన్స్.

గతంలో ‘వసంత కాలం’ మూవీలో మూగమ్మాయిగా నటించి మెప్పించిన నయన్.. ‘నెట్రిక్కన్’ లో కూడా డిఫెరెంట్లీ ఏబుల్డ్ క్యారెక్టర్లో నటిస్తూ.. తన టాలెంట్ కి తానే పరీక్ష పెట్టుకుంటున్నారు. రీసెంట్ గా ఆర్జే బాలాజీ డైరెక్ట్ చేసిన మూకుత్తి ‘అమ్మన్’ మూవీ కూడా డిజిటల్ రిలీజ్ కే నోచుకోవడం… ఇప్పుడు నెట్రిక్కన్ కూడా ఓటీటీకే అంకితం కావడంతో .. నయన్ కెరీర్ పై కోలీవుడ్ లో స్పెషల్ డిస్కషన్ షురూ అయింది.

Also Read: సౌత్ ఇండస్ట్రీలో మోస్ట్ అవెయిటెడ్ మూవీస్ ఇవే.. లిస్ట్ రిలీజ్ చేసిన IMDB

మ‌రోసారి థియేట‌ర్ల‌లో ఒంగోలు జాతర.. త‌గ్గేదే లేదంటున్న మాస్ మ‌హారాజా.. బుకింగ్ కూడా షురూ