Lokesh About Balakrishna: మామను పొగడ్తలతో ముంచెత్తిన అల్లుడు.. ‘అఖండ’ అద్భుతమంటోన్న నారా లోకేష్‌..

Lokesh About Balakrishna: నట సింహం నందమూరి బాలకృష్ణ హీరోగా బోయపాటి శ్రీను దర్శకత్వంలో ఓ సినిమా తెరకెక్కుతోన్న విషయం తెలిసిందే. వీరిద్దరి కాంబినేషన్‌లో వస్తోన్న మూడో సినిమా కావడంతో ఈ సినిమాపై భారీగా అంచనాలున్నాయి. అందులోనూ ఇది వరకు వచ్చిన రెండు చిత్రాలు బాక్సాఫీస్‌ వద్ద మంచి విజయాన్ని నమోదు చేసుకోవడం ఆ అంచనాలకు మరింత ఆజ్యం పోసినట్లైంది. దీంతో బోయపాటి కూడా అభిమానుల అంచనాకు ఏ మాత్రం తగ్గకుండా సినిమా తెరకెక్కిస్తున్నాడు. ఇప్పటి వరకు ఈ సినిమాకు సంబంధించి విడుదల చేసిన టీజర్‌, ఫస్ట్‌లుక్‌ సినిమాపై క్యూరియాసిటీని పెంచేశాయని చెప్పాలి. ఇక మొన్నటి వరకు బీబీ3 అనే వర్కింగ్ టైటిల్‌తో నిర్మాణం జరుపుకుంటోన్న ఈ సినిమా టైటిల్‌తో పాటు బాలకృష్ణ సరికొత్త లుక్‌ను విడుదల చేసింది చిత్ర యూనిట్‌. ఉగాది సందర్భంగా.. బాలయ్య సినిమా టైటిల్‌ను అనౌన్స్‌ చేశారు. ‘అఖండ’ అనే టైటిల్‌ను ఈ సినిమాకు ఖరారు చేశారు. ఇక బాలయ్య ఈ సినిమాలో ద్విపాత్రాభినయం చేయనుండగా.. ఒక పాత్ర అఘోర. తాజాగా విడుదల చేసిన ఫస్ట్‌లుక్‌ అఘోర పాత్రకు సంబంధించిందే. ఇక ఈ ఫస్ట్‌లుక్‌పై ప్రశంసల వర్షం కురిపిస్తున్నారు. తాజాగా ఈ జాబితాలోకి బాలయ్య బాబు అల్లుడు టీడీపీ జాతీయ ప్రధాన కార్యదర్శి లోకేష్‌ కూడా వచ్చి చేరారు. తాజాగా ట్విట్టర్‌ వేదికగా ‘అఖండ’ టీజర్‌పై స్పందించారు. ఈ సందర్భంగా టీజర్‌ను పోస్ట్ చేసిన లోకేష్‌.. ‘బాల మామయ్య లుక్‌ అద్భుతంగా ఉంది. ఇక కొత్త సినిమా అఖండ టీజర్‌ మెస్మరైజ్‌ చేస్తోంది. ఈ సినిమా కచ్చితంగా బ్లాక్‌ బస్టర్‌ విజయాన్ని సొంతం చేసుకుంటుంది’ అంటూ క్యాప్షన్‌ జోడించాడు.

లోకేష్‌ చేసిన ట్వీట్‌..

Absolutely thrilled at the roaring look of Bala Mavayya in a terrific and mesmerising teaser of Akhanda! This is all set to be a massive blockbuster.? #BoyapatiSrinu #Akhanda #BB3TitleRoarhttps://t.co/jjX916A9Dj

— Lokesh Nara (@naralokesh) April 13, 2021

Also Read: Rebel Star Prabhas: ఆదిపురుష్ సినిమా పై వస్తున్న ఆవార్తలు అవాస్తవం.. క్లారిటీ ఇచ్చిన దర్శకుడు..

Rashmi Gautam: అందం అభినయం కలబోసినా ముద్దుగుమ్మ రష్మీ గౌతమ్.. పండగ పూట మెరిసిందిలా…

Trisha Krishnan: ఓటీటీ వేదికగా విడుదల కానున్న స్టార్ హీరోయిన్ సినిమా.. నిరాశలో అభిమానులు