Lakshya: అదరహో అనిపిస్తున్న అందాల కేతిక.. నాగశౌర్య ‘లక్ష్య’ నుంచి గ్లిమ్స్ విడుదల..

యంగ్ హీరో నాగశౌర్య ప్రస్తుతం వరుస సినిమాలతో ఫుల్ బిజీగా ఉన్నాడు. ఇప్పటికే రెండు సినిమాలను పట్టాలెక్కించి ఈ కుర్ర హీరో ఆయా షూటింగ్స్‌‌‌లో బిజీబిజీగా ఉన్నాడు..

Kethuka

Rajeev Rayala |
Updated on: Aug 13, 2021 | 8:50 PM

Lakshya: యంగ్ హీరో నాగశౌర్య ప్రస్తుతం వరుస సినిమాలతో ఫుల్ బిజీగా ఉన్నాడు. ఇప్పటికే రెండు సినిమాలను పట్టాలెక్కించి ఈ కుర్ర హీరో ఆయా షూటింగ్స్‌‌‌లో బిజీబిజీగా ఉన్నాడు. వాటిలో ఒకటి స్పోర్ట్స్ బ్యాక్ డ్రాప్‌‌‌‌లో తెరకెక్కుతోన్న లక్ష్య. మరొకటి ఫ్యామిలీ ఎంటర్టైనర్‌‌‌గా వస్తున్న వరుడు కావలెను. ఇప్పటికే వరుడు కావలెను సినిమాను కంప్లీట్ చేశాడు శౌర్య. ఇక ఆర్చరీ నేపథ్యంలో సాగనున్న లక్ష్య సినిమాలో శౌర్య సిక్స్ ప్యాక్‌‌‌తో కనిపించనున్నాడు. అలాగే ఈ సినిమా కేతిక శర్మ హీరోయిన్‌‌‌గా నటిస్తోంది. ‘లక్ష్య’ సినిమాకు ధీరేంద్ర సంతోష్ జాగర్లపూడి దర్శకత్వం వహిస్తున్నారు. ప్రస్తుతం ఈ సినిమా షూటింగ్ చివరిదశలో ఉంది. పోస్ట్ ప్రొడక్షన్ కార్యక్రమాలు కూడా జరుగుతున్నాయి. ఈ నేపథ్యంలో ప్రతీ శుక్రవారం ఓ అప్డేట్‌‌‌ను అందిస్తూ చిత్ర యూనిట్ ప్రమోషన్స్ చేస్తున్నారు.

తాజాగా హీరోయిన్ కేతిక శర్మకు సంబంధించిన గ్లిమ్స్‌‌‌‌ని రిలీజ్ చేశారు. రితిక అనే పాత్రలో కేతిక కనిపించనుంది. ఈ వీడియోలో హీరోయిన్ హెల్మెట్ తీసి అందంగా నవ్వుతూ కనిపించింది. ఇక సోనాలి నారంగ్ సమర్పణలో శ్రీ వెంకటేశ్వర సినిమాస్ మరియు నార్త్ స్టార్ ఎంటెర్టైన్మెంట్స్ బ్యానర్స్ పై ఈ సినిమా రూపొందుతోంది. ‘లక్ష్య’ సినిమాలో విలక్షణ నటుడు జగపతి బాబు – సచిన్ కేడ్కర్ కీలక పాత్రలు పోషిస్తున్నారు. కాలభైరవ ఈ చిత్రానికి సంగీతం సమకూరుస్తున్నారు.