Nabha Natesh: అక్కినేని హీరోతో జతకట్టనున్న ఈస్మార్ట్‌ బ్యూటీ..? ఈ సినిమాతోనైనా ట్రాక్‌ ఎక్కేనా..

Nabha Natesh: సుధీర్ బాబు హీరోగా తెరకెక్కిన ‘నన్ను దోచుకుందువటే’ సినిమాతో తెలుగు ప్రేక్షకులను పలకరించింది అందాల తార నభా నటేష్‌. తొలి సినిమాతోనే తన అందం, అభినయంతో ఆకట్టుకున్న ఈ బ్యూటీ అనంతరం ‘అదిగో’ సినిమాలో నటించింది. అయితే ఈ సినిమా ఆశించిన స్థాయిలో విజయాన్ని అందుకోలేదు. ఇక ఈ సినిమా తర్వాత పూరి జగన్నాథ్‌ దర్శకత్వంలో వచ్చిన ‘ఈస్మార్ట్‌ శంకర్‌’తో ఒక్కసారిగా ఇండస్ట్రీ దృష్టిని ఆకర్షించిందీ బ్యూటీ. ఈ సినిమాలో మాస్‌ పాత్రలో నటించిన నభా.. కుర్రకారును కట్టి పడేసింది. ఇక నభా తర్వాత పలు చిత్రాల్లో నటించినప్పటికీ ఆశించిన స్థాయిలో మాత్రం విజయాన్ని అందుకోలేకపోయింది. దీంతో నభా నటేష్‌ ఫేమ్‌ తగ్గిపోతోందా అన్న ప్రశ్నలు తలెత్తాయి. అయితే తాజాగా ఈ అందాల తార మరో లక్కీ ఛాన్స్‌ కొట్టేసినట్లు తెలుస్తోంది. అక్కినేని నాగచైతన్య హీరోగా విక్రమ్‌ కె కుమార్‌ దర్శకత్వంలో ‘థాంక్యూ’ అనే సినిమాలో నటిస్తోన్న విషయం తెలిసిందే. ప్రస్తుతం ఈ సినిమా షూటింగ్‌ శరవేగంగా జరుగుతోంది. ఇదిలా ఉంటే తాజా సమాచారం ప్రకారం ఈ సినిమాలో నభా నటేష్‌ను హీరోయిన్‌గా తీసుకోవడానికి చిత్ర యూనిట్‌ సన్నాహాలు చేస్తున్నట్లు తెలుస్తోంది. ఈ సినిమాలో ముగ్గురు హీరోయిన్లు నటించనున్నారని మొదటి నుంచి వార్తలు వచ్చాయి. ముగ్గురిలో ఒక స్టార్‌ హీరోయిన్‌ తీసుకొని మిగతా ఇద్దరిని కొత్త వారిని తీసుకోవాలని దర్శకుడు ప్లాన్‌ చేస్తున్నాడు. అయితే ఆ స్టార్‌ హీరోయిన్‌ మరెవరో కాదు నభానే అని టాక్‌ నడుస్తోంది. మరి ఈ వార్తలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాలి. మరి ఈ సినిమాలో నభా నటిస్తుందా.? ఒకవేళ నటిస్తే.. మళ్లీ ఫామ్‌లోకి వస్తుందా చూడాలి.

Also Read: “సారంగ దరియా” వివాదంపై లేటెస్ట్ అప్‌డేట్.. దర్శకుడు శేఖర్ కమ్ముల, గాయని కోమలి కలిసి స్టేట్‌మెంట్

Jagapathi Babu Annaatthe Movie : రజనీతో ముచ్చటగా మూడోసారి.. మరోసారి నెగిటివ్ రోల్‌లో అలరించనున్న జగ్గూబాయ్..

VakeelSaab New Song : వకీల్ సాబ్ నుంచి కంటిపాప కంటి పాప సాంగ్ రిలీజ్ .. ఆకట్టుకుంటున్న థమన్ సంగీతం