Mosagallu Movie :’డబ్బే మనది కుమ్మేస్కో’ అంటున్న మంచు విష్ణు-కాజల్.. మోసగాళ్లు నుంచి లిరికల్ సాంగ్ ..

Mosagallu Movie : మంచు విష్ణు తాజాగా చేస్తున్న సినిమా మోసగాళ్ళు. ఈ సినిమాలో విష్ణు సరసన రుహి సింగ్ నటించనున్నారు. అంతేకాకుండా ఈ సినిమాలో కాజల్ అగర్వాల్ హీరో సోదరి పాత్రలో కనిపించనున్నారు. ఈ సినిమాను జెఫ్రే గీ చిన్ దర్శకత్వంలో మంచు విష్ణు నిర్మిస్తున్నారు. ఈ సినిమాలో నవదీప్, సునీల్ శెట్టి కీలక పాత్రలు చేస్తున్నారు. ఈ చిత్రాన్ని 24ఫ్రేమ్స్ ఫాక్టరీ, ఏవీఏ ఎంటర్‌టైన్మెంట్ పతాకాలపై నిర్మిస్తున్నారు.

మార్చ్ 19న ఈ సినిమా థియేటర్లలో ప్రేక్షకులను అలరించనుంది. ఇటీవలే ‘మోసగాళ్ళు’ చిత్రం నుంచి ‘డబ్బులు సంపాదించాలంటే’ ఫస్ట్ సింగిల్ లిరికల్ వీడియో రిలీజ్ చేశారు. ఈ క్రమంలో తాజాగా ‘డబ్బే మనది కుమ్మేస్కో’ అనే మరో లిరికల్ సాంగ్ ని రిలీజ్ చేశారు. ఈ పాటకు లిరిసిస్ట్ సిరాశ్రీ సాహిత్యం అందించగా.. సింగర్ హేమచంద్ర తనదైన శైలిలో ఆలపించారు. ‘మోసగాళ్ళు’ చిత్రాన్ని పాన్ ఇండియా లెవల్ లో తెలుగు తమిళ కన్నడ మలయాళ హిందీ భాషల్లో విడుదలకానుంది.