Chiranjeevi : సల్మాన్ ఖాన్ ఫామ్ హౌస్‌లో మెగాస్టార్ చిరంజీవి.. విషయం ఏంటంటే

మెగాస్టార్ చిరంజీవి నటించిన లేటెస్ట్ మూవీ ఆచార్య త్వరలోనే ప్రేక్షకుల ముందుకు రాబోతుంది. కొరటాల శివ దర్శకత్వం వహించిన ఈ సినిమాలో మెగా పవర్ స్టార్ రామ్ చరణ్ కూడా నటించిన విషయం తెలిసిందే..

Megstar , Salman Khan

Rajeev Rayala |
Updated on: Mar 12, 2022 | 8:15 AM

Chiranjeevi : మెగాస్టార్ చిరంజీవి నటించిన లేటెస్ట్ మూవీ ఆచార్య త్వరలోనే ప్రేక్షకుల ముందుకు రాబోతుంది. కొరటాల శివ దర్శకత్వం వహించిన ఈ సినిమాలో మెగా పవర్ స్టార్ రామ్ చరణ్ కూడా నటించిన విషయం తెలిసిందే.. ఈ సినిమా కోసం మెగా అభిమానులంతా ఎంతో ఆసక్తిగా ఎదురుచూస్తున్నారు. ఈ సినిమాను ఏప్రిల్ 1న విడుదల చేయనున్నారు. ఇక ఈ సినిమాలో చరణ్ చిరు ఇద్దరు నక్సలైట్స్ గా కనిపించనున్నారు. ఆచార్య తర్వాత మెగాస్టార్ వరుస సినిమాలను లైనప్ చేసిన విషయం తెలిసిందే. మలయాళంలో సూపర్ హిట్ గా నిలిచిన లూసిఫర్ సినిమాను తెలుగు గాడ్ ఫాదర్(Godfather) అనే టైటిల్ తో తెరకెక్కిస్తున్నారు. ఈ సినిమాకు మోహన్ రాజా దర్శకుడిగా వ్యవహరిస్తున్నారు. ఈ సినిమా షూటింగ్ శరవేగంగా జరుగుతుంది.

ఈ సినిమాలో నయన తార నటిస్తున్నారు. తెలుగు ప్రేక్షకుల అభిరుచికి తగ్గట్టుగా కథలో కొన్ని మార్పులు చేశారట.అలాగే ఈ మూవీలో బాలీవుడ్ స్టార్ హీరో సల్మాన్ ఖాన్ కీలక పాత్రలో నటించనున్నారు. మలయాళంలో ‘లూసిఫర్’ కి ఇది రీమేక్. ఆ సినిమాలో పృథ్వీరాజ్ చేసిన పాత్రకిగాను తెలుగు రీమేక్ లో సల్మాన్ నటిస్తున్నారు. గాడ్ ఫాదర్ షూటింగ్ కోసం చిరంజీవి హైదరాబాద్ నుండి వెళ్లి ముంబైకి వెళ్లాల్సి వస్తోంది. సల్మాన్ – చిరు ముంబైలోని ఒక ప్రైవేట్ ఫిల్మ్ స్టూడియోలో వారం రోజుల పాటు షూటింగ్ జరుపుకోనున్నారు. చిత్రీకరణ సమయంలో చిరు – సల్మాన్ ముంబైలోని ఖరీదైన పన్వెల్ ఫామ్ హౌస్ లో ఉంటారని తెలిసింది. అత్యంత విలాసవంతమైన ఈ ఫామ్ హౌస్ లో సల్మాన్ కి అత్యంత ఆత్మీయులు మాత్రమే విడిది చేస్తారట. సల్మాన్ భాయ్ ప్రస్తుతం వరుస చిత్రాలతో బిజీగా ఉండడం వల్ల చిరునే అక్కడకు వెళ్లాల్సి వస్తుందట..

మరిన్ని ఇక్కడ చదవండి :