Chiranjeevi: ఊరమాస్‌ కమర్షియల్ ఎంటర్‌టైనర్లకే ఓటేస్తున్న మెగాస్టార్.. ఫ్యాన్స్ కు పూనకాలే..

|

Mar 05, 2022 | 9:25 PM

యంగ్ హీరోలు పాన్ ఇండియా సినిమాలు.. ప్రయోగాలు అంటూ తంటాలు పడుతుంటే మెగాస్టార్ చిరంజీవి మాత్రం మాస్ ఫార్ములాతోనే మెప్పిస్తున్నారు.

Chiranjeevi: ఊరమాస్‌ కమర్షియల్ ఎంటర్‌టైనర్లకే ఓటేస్తున్న మెగాస్టార్.. ఫ్యాన్స్ కు పూనకాలే..
Megastar
Follow us on

Chiranjeevi: యంగ్ హీరోలు పాన్ ఇండియా సినిమాలు.. ప్రయోగాలు అంటూ తంటాలు పడుతుంటే మెగాస్టార్ చిరంజీవి మాత్రం మాస్ ఫార్ములాతోనే మెప్పిస్తున్నారు. తిరుగులోని మాస్ ఇమేజ్‌ ఉన్న మెగాస్టార్‌ లైన్‌లో ఉన్న అన్ని సినిమాల్లోనూ అదే ఫార్ములాను కంటిన్యూ చేస్తున్నారు. వరుసగా వస్తున్న అప్‌డేట్స్ చూస్తుంటే.. వింటేజ్ చిరు గుర్తుకొస్తున్నారంటున్నారు ఫ్యాన్స్‌. ఇటీవలే శివరాత్రి సందర్భంగా మెగాస్టార్ మూవీ నుంచి మేజర్ అప్‌డేట్ వచ్చింది. అప్‌కమింగ్ మూవీ భోళాశంకర్‌లో చిరు లుక్‌ను రివీల్ చేస్తూ ఓ మోషన్ పోస్టర్‌ను రిలీజ్ చేశారు మేకర్స్‌. తమిళ బ్లాక్ బస్టర్‌ వేదాళంకు రీమేక్‌గా తెరకెక్కుతున్న మూవీ ఇదే. ఈ సినిమాలో ఊరమాస్ గెటప్‌లో కనిపించబోతున్నారు మెగాస్టార్‌. సినిమా సిస్టర్ సెంటిమెంటే అయినా.. చిరును ఆడియన్స్‌ ఎలా చూడాలనుకుంటారో అంతకు మించి ప్రజెంట్ చేసేలా ప్లాన్ చేస్తున్నారు.

అసలు రీ ఎంట్రీ నుంచే మాస్ ఫార్ములాను పర్ఫెక్ట్‌గా ఫాలో అవుతున్నారు మెగాస్టార్‌. ఖైదీ నంబర్‌ 150తో కమర్షియల్ స్టార్‌గా తన స్టామినాను మరోసారి ప్రూవ్ చేసుకున్నారు చిరు. తమిళ్‌ సూపర్‌ హిట్ కత్తి సినిమాకు మెగా టచ్‌ ఇస్తూ రీమేక్‌ చేసిన తీరుకూ ఫ్యాన్స్‌ ఫిదా అయ్యారు. మెగాస్టార్‌ను మరోసారి స్క్రీన్ మీద చూడటమే పెద్ద పండుగ అంటే.. అదిరిపోయే పంచ్‌ డైలాగ్‌లు.. అంతకు మించిన మాస్ ఎలివేషన్‌తో సూపర్బ్ అనిపించారు. ఖైదీ నంబర్‌ 150 విషయంలో మాస్ ఫార్ములా సూపర్‌గా వర్క్ అవుట్ కావటంతో వరుసగా అలాంటి సినిమాలనే లైన్‌లో పెట్టారు. భోళాశంకర్‌తో పాటు ప్రజెంట్ సెట్స్ మీద ఉన్న గాడ్‌ ఫాదర్‌, బాబీ డైరక్ట్ చేస్తున్న సినిమా కూడా ఊరమాస్‌ కమర్షియల్ ఎంటర్‌టైనర్లే. దాంతో మెగాస్టార్ ఫ్యాన్స్ కు రాబోయే సినిమాలన్నీ మసాలా దట్టించిన మంచి బిర్యానిలా ఉండటం ఖాయంగా కనిపిస్తుంది.

మరిన్ని ఇక్కడ చదవండి : 

Mahesh Babu: బాబు బంగారం.. గుండె సంబంధిత వ్యాధులతో బాధపడుతున్న చిన్నారుల కోసం మహేష్ మరో అడుగు..

Samantha: సామ్‌ క్రేజ్‌ మాములుగా లేదుగా.. ఆ సినిమా కోసం భారీ రెమ్యునరేషన్‌!..

F3 Movie : ఎఫ్ 3 సెట్‌లో నానా రచ్చ చేసిన నాగ రత్తమ్మ.. వెంకీ- వరుణ్ ఏం చేశారంటే..!