Acharya Movie: ‘ఆచార్య’ సినిమా నిజంగా అలా ఉంటుందా ?.. అసలు విషయం బయట పెట్టిన మెగాస్టార్..

మెగాస్టార్ చిరంజీవి ప్రధాన పాత్రలో.. డైరక్టర్ కొరటాల శివ తెరకెక్కిస్తున్న సినిమా ఆచార్య. ఇందులో కాజల్ హీరోయిన్‏గా నటిస్తుండగా.. మెగా పవర్ స్టార్ రామ్ చరణ్, పూజా హెగ్డే కీలక పాత్రలలో నటిస్తున్నారు. కొణిదెల ప్రొడక్షన్స్, మ్యా్ట్నీ ఎంటర్ టైన్మెంట్స్ బ్యానర్లపై మెగా పవర్ స్టార్ రాంచరణ్, నిరంజన్ రెడ్డి సంయుక్తంగా నిర్మిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతుంది. కాగా ఈ మూవీ గురించి గత కొద్ది రోజులుగా రకరకాల రూమర్స్ సోషల్ మీడియాలో చకర్లు కొడుతున్నాయి.

మెగాస్టార్ చిరు ఎక్కువగా మాట్లాడితే సినిమాకు సంబంధించిన విషయాలను బయటపెట్టెస్తుంటాడు. గతంలో ఓసారి మాట్లాడుతూ.. మూవీ టైటిల్ బయటపెట్టేసాడు చిరు. ఇక ఆ తర్వాత ఇందులో ఓ కీలక పాత్రలో సూపర్ స్టార్ మహేష్ నటించబోతున్నట్లుగా వార్తలు వచ్చాయి. కానీ ఆ పాత్రను చరణ్ చేస్తున్నాడంటూ.. అసలు విషయం చేప్పేసాడు. తాజాగా ఈ సినిమాకు సంబంధించిన మరో కీలక విషయాన్ని బయటపెట్టాడు చిరు. సినిమా ఆరంభం నుంచి దేవాలయాల్లో జరుగుతున్న అవినీతి నేపథ్యంలో ఈ మూవీ ఉండబోతున్నట్లుగా వార్తలు వస్తున్నాయి. మరోపక్క ఈ మూవీ నక్సల్స్ నేపథ్యంలో రాబోతున్న కథ అంటూ ఫీల్మ్ నగర్లో టాక్ నడుస్తోంది. ఇక ఈ విషయం పై ఇప్పటి వరకు అటు చిత్రయూనిట్ కానీ.. డైరెక్టర్ కూడా ఎక్కడా బయటపెట్టలేదు. తాజాగా ఇందుకు సంబంధించిన అసలు విషయాన్ని చిరు పొరపాటు చెప్పేసాడు. రానా దగ్గుబాటి, సాయిపల్లవి హీరోహీరోయిన్లుగా నటించిన చిత్రం విరాటపర్వం. ఈ మూవీ టీజర్ ను మెగాస్టార్ చిరంజీవి సోషల్ మీడియా వేదికగా విడుదల చేశాడు. ఆ సమయంలో ఈ చిత్రాన్ని చూస్తుంటే నక్సల్స్ బ్యాక్ డ్రాప్‏లో రూపొందినట్లుగా తెలుస్తోంది. మా ఆచార్య సినిమా కూడా నక్సల్స్ బ్యాక్ డ్రాప్ అని టక్కన అనేసాడు. ఇంకేముంది… చిరు ఇచ్చిన ఈ క్లారిటీతో ఇన్నిరోజులుగా ఈ మూవీపై వస్తున్న వార్తలను క్లియర్ చేసేసాడు చిరు. ఈ మూవీని మే 13న దేశ వ్యాప్తంగా విడుదల చేయనున్నట్లుగా ఇప్పటికే చిత్రయూనిట్ ప్రకటించింది.

Also Read:

‘మోసగాళ్ళు’ ట్విట్టర్ రివ్యూ: మంచు విష్ణు ఈసారి గట్టిగానే ట్రైచేసాడా ? ‘మోసగాళ్లు’ బ్లాక్ బస్టర్ హిట్టు అంటూ టాక్..