Megastar Chiranjeevi: చరణ్‌, ఉపాసన ఆ విషయం చెప్పగానే కన్నీళ్లు ఆపుకోలేకపోయా.. మెగాస్టార్‌ చిరంజీవి ఎమోషనల్‌
పెళ్లయిన పదేళ్ల తర్వాత ఉపాసన గర్భం దాల్చినట్లు ఇటీవల సోషల్‌ మీడియా వేదికగా తెలిపింది మెగా ఫ్యామిలీ. దీంతో మెగా కుటుంబ సభ్యులతో సహా మెగా ఫ్యాన్స్‌ ఆనందానికి అవధుల్లేకుండా పోయాయి. కాగా ఈ శుభవార్త విని ఎంతో ఎమోషనల్‌ అయ్యారట చిరంజీవి.
టాలీవుడ్‌లో ది మోస్ట్‌ రొమాంటిక్‌ కపుల్స్‌లో మెగా పవర్‌ స్టార్‌ రామ్‌ చరణ్‌- ఉపాసన జోడి ఒకటి. 2012లో పెళ్లిపీటలెక్కిన ఈ జంట ఎంతో అన్యోన్యంగా ఉంటారు. ప్రొఫెషనల్‌ లైఫ్ పరంగా ఎంత బిజీగా ఉన్నా తమకంటూ కొంచెం పర్సనల్ స్సేస్‌ కేటాయించుకుంటూ ఆదర్శంగా నిలిచారు. ఇక తమ దాంపత్య బంధానికి గుర్తింపుగా త్వరలోనే ఓ బిడ్డను తమ జీవితంలోకి ఆహ్వానించనున్నారీ లవ్లీ కపుల్‌. పెళ్లయిన పదేళ్ల తర్వాత ఉపాసన గర్భం దాల్చినట్లు ఇటీవల సోషల్‌ మీడియా వేదికగా తెలిపింది మెగా ఫ్యామిలీ. దీంతో మెగా కుటుంబ సభ్యులతో సహా మెగా ఫ్యాన్స్‌ ఆనందానికి అవధుల్లేకుండా పోయాయి. కాగా ఈ శుభవార్త విని ఎంతో ఎమోషనల్‌ అయ్యారట చిరంజీవి. తాను మరోసారి తాతను కాబోతున్నానని తెలిసి ఆనందంతో కన్నీళ్లు కూడా పెట్టుకున్నారట. తన తాజా చిత్రం వాల్తేరు వీరయ్య ప్రమోషన్లలో పాల్గొన్న చిరంజీవి ఈ విషయాన్ని తెలిపారు.
‘మేం ఈ సందర్భం కోసం మేం ఆరేళ్లుగా ఎదురు చూస్తున్నాం. ఆర్ఆర్ఆర్ సినిమాకు సంబంధించి జపాన్ పర్యటన ముగించుకుని . రామ్‌చరణ్, ఉపాసన మా ఇంటికి వచ్చారు. అప్పుడే ఉపాసన తల్లి కాబోతున్న విషయాన్ని మాకు చెప్పారు. ఆ వార్త విని నేను, సురేఖ ఎంతో హ్యాపీగా ఫీలయ్యాం. ఆ సందర్భంలో నేను కన్నీళ్లు ఆపుకోలేకపోయా. ఉపాసనకు మూడో నెల వచ్చాకే ఈ విషయాన్ని అందరితో పంచుకున్నాం’ అని చెప్పుకొచ్చారు చిరంజీవి. కాగా ప్రస్తుతం మెగాస్టార్‌ నటించిన వాల్తేరు వీరయ్య సంక్రాంతి కానుకగా ప్రేక్షకుల ముందుకు రానుంది. కే.ఎస్‌.రవీంద్ర దర్శకత్వం వహిస్తోన్న ఈ సినిమాలో మాస్‌ మహరాజా మరో హీరోగా నటించనున్నాడు. శృతి హాసన్‌ హీరోయిన్‌. ఇప్పటికే ఈ చిత్రానికి సంబంధించి విడుదలైన పాటలు, టీజర్లు సూపర్‌హిట్‌గా నిలిచాయి. మెగా సినిమాపై అంచనాలను మరింత పెంచాయి.
మరిన్ని సినిమా వార్తల కోసం క్లిక్ చేయండి