Acharya Movie: మెగాస్టార్ చిరంజీవి నటిస్తున్న తాజా చిత్రం ఆచార్య. చిరంజీవి రామ్ చరణ్ కలిసి నటిస్తున్న ఈ సినిమాకోసం మెగా అభిమానులంతా ఎంతో ఆసక్తిగా ఎదురుచూస్తున్నారు. ఇప్పటి వరకు ఓటమి అంటూ ఎరగని కొరటాల దర్శకత్వం వహిస్తుండడం, రామ్ చరణ్ తండ్రి చిరంజీవితో కలిసి నటిస్తుండడంతో ఈ సినిమాపై ఎక్కడలేని అంచనాలు ఏర్పడ్డాయి. సురేఖ్ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్స్ పతకాలపై భారీ బడ్జెట్తో నిర్మిస్తున్న ఈ సినిమా విడుదల కోసం ఇటు మెగా అభిమానులే కాకుండా యావత్ సినీ ఇండస్ట్రీ సైతం ఎదురు చూస్తోంది. ఇక ఈ సినిమాలో చిరుకు జోడిగా కాజల్ అగర్వాల్ నటిస్తుండగా, రామ్ చరణ్ సరసన పూజా హెగ్డే్ నటిస్తోన్న విషయం తెలిసిందే.
ఇక ఇప్పటికే ఈ సినిమానుంచి విడుదలైన పోస్టర్లు, టీజర్, పాటలు ప్రేక్షకులను విపరీతంగా ఆకట్టుకున్నాయి. ఇక ఇప్పుడు మరో అదిరిపోయే అప్డేట్ ఇచ్చింది చిత్రయూనిట్. ఈ సినిమాలో చరణ్ సిద్ద అనే పాత్రలో నటిస్తున్న విషయం తెలిసిందే. అంతే కాదు ఈ సినిమాలో చరణ్ నక్సలైట్ గా కనిపించనున్నాడు. ఇక చరణ్ కు సంబంధించిన టీజర్ ను విడుదల చేయనున్నారు చిత్రయూనిట్. నవంబర్ 28న విడుదల చేయనున్నారు. ఈ మేరకు అదిరిపోయే పోస్టర్ ను విడుదల చేశారు. ఈ పోస్టర్లో చరణ్ నక్సలైట్ గెటప్ లో కనిపించగా చిరు ఫేస్ కనపడేలా డిజైన్ చేశారు. ఇక ఆచార్య సినిమా వచ్చే ఏడాది ఫిబ్రవరి 4న ప్రేక్షకుల ముందుకు రానున్నట్లుగా చిత్రయూనిట్ ప్రకటించింది.
మరిన్ని ఇక్కడ చదవండి :