Megastar Chiranjeevi: చిరుకు మాత్రమే సాధ్యమైన రికార్డ్స్.. దశాబ్దాల సినీ ప్రస్థానంలో సాధించిన ఘనతలు ఎన్నో..

మెగాస్టార్ చిరంజీవి తెలుగు సినిమాకు ఎంతో గర్వకారణం. సాధారణ కుర్రాడు నటనపై ఆసక్తితో సినీరంగంలోకి అడుగుపెట్టి ఇప్పుడు మెగాస్టార్ అయ్యాడు. ఇండస్ట్రీలోకి రావాలనుకునే ఎంతో మందికి స్పూర్తిగా మారాడు. అందరిలాగే చిరు కూడా కెరీర్ తొలినాళ్లలో ఎన్నో అవమానాలు ఎదుర్కొన్నారు. అనేక కష్టాలను తట్టుకుని.. ఆత్మ విశ్వాసంతో ప్రయత్నాలు చేసి హీరోగా తనకంటూ గుర్తింపు తెచ్చుకున్నారు. చిరంజీవికి ఉన్న క్రేజ్ గురించి చెప్పక్కర్లేదు. ఈరోజు చిరు పుట్టినరోజు. మెగా అభిమానులకే కాకుండా సినీ ప్రియులకు కూడా ఈరోజు పండగే. 1978లో సినీ ప్రయాణం ప్రారంభించిన చిరు.. హీరోగా నటించిన తొలి చిత్రం పునాది రాళ్లు. కానీ ఈ మూవీ కంటే ముందే ప్రాణం ఖరీదు సినిమా విడుదలైంది. ఆ తర్వాత చిరుకు హీరోగా వరుస అవకాశాలు వచ్చాయి. చిరు అసలు పేరు కొణిదెల శివశంకర్ వరప్రసాద్. ఆయన డైలాగ్స్, మేనరిజమ్ ఇప్పటికీ యూత్ లో మంచి క్రేజ్ ఉంది.

దశబ్దాలుగా సినీరంగంలో రారాజు చిరు. వరుస హిట్ చిత్రాలతో ప్రేక్షకులను అలరిస్తున్నారు. కొన్నాళ్లపాటు సినిమాలకు దూరంగా ఉన్న చిరు ఆ తర్వాత ఖైదీ 150 మూవీతో రీఎంట్రీ ఇచ్చిన సంగతి తెలిసిందే. ఇప్పుడు హిట్టు, ప్లాపులతో సంబంధం లేకుండా వరుస సినిమాలతో బిజీగా ఉన్నారు. ప్రస్తుతం డైరెక్టర్ వశిష్ట దర్శకత్వంలో విశ్వంభర సినిమాలో నటిస్తున్నారు. కొన్ని నెలలుగా ఈ మూవీ షూటింగ్ శరవేగంగా జరుగుతుంది. సిస్టర్ సెంటిమెంట్ తోపాటు సోషియో ఫాంటసీ నేపథ్యంలో ఈ చిత్రాన్ని రూపొందిస్తున్నారు. ఇదిలా ఉంటే.. ఈరోజు చిరు బర్త్ డే. ఈ సందర్భంగా మెగాస్టార్ కు సోషల్ మీడియా వేదికగా సినీ ప్రముఖులు, అభిమానులు శుభాకాంక్షలు తెలుపుతున్నారు. దాదాపు 46 ఏళ్ల సినీ ప్రస్థానంలో చిరుకు మాత్రమే సాధ్యమైన రికార్డ్స్ ఏంటో తెలుసుకుందాం.

ఇవి కూడా చదవండి

అమృతా మూవీ చైల్డ్ ఆర్టిస్ట్ గుర్తుందా..?

పెళ్లైన హీరోతో ఎఫైర్.. కెరీర్ నాశనం చేసుకున్న హీరోయిన్..

హీరోయిన్ బర్త్ డేకు కోట్ల విలువైన గిఫ్ట్ ఇచ్చాడు..

ఫస్ట్ మూవీతోనే బ్లాక్ బస్టర్ హిట్.. కానీ..

• మెగాస్టార్ చిరంజీవి.. పర్సనల్ వెబ్ సైట్ కలిగిన తొలి భారతీయ నటుడు. ఆయన గురించి తెలుసుకోవాలంటే https://www.kchiranjeevi.com/ చూడొచ్చు.
• అలాగే ప్రతిష్టాత్మక ఆస్కార్ వేడుక (1987)లో అతిథిగా పాల్గొనే ఆహ్వానం అందుకున్న తొలి దక్షిణాది నటుడు.
• 1999-2000 ఆర్థిక సంవత్సరంలో అత్యధిక పన్ను చెల్లించిన వ్యక్తిగా సమ్మాన్ అవార్డ్ అందుకున్నారు.
• 90’sలో అంతర్జాతీయంగా చిరుకు మంచి ఫాలోయింగ్ ఉంది. అప్పట్లో ఆయన నటించిన స్వయంకృషి సినిమా రష్యన్ లోకి డబ్ అయిన తొలి తెలుగు సినిమా.
• తెలుగు సినీ పరిశ్రమలో బ్రేక్ డ్యాన్స్ పరిచయం చేసిన హీరో. పసివాడి ప్రాణం సినిమాతో బ్రేక్ డ్యాన్స్ ను తెలుగు ప్రేక్షకుల ముందుకు తీసుకువచ్చారు.
• ఏకపాత్రాభినయం, ద్విపాత్రాభినయం, త్రిపాత్రాభినయం చేసిన చిత్రాలు 100 రోజులు ఆడిన రికార్డ్ చిరుకే సొంతం. బావగారు బాగున్నారా సినిమా కోసం ఏకంగా 240 అడుగుల ఎత్తునుంచి బంగీజంప్ చేశారు.
• 1980, 1983 ఈ ఏడాదుల్లో చిరు నటించిన 14 సినిమాలు విడుదలయ్యాయి.
• సినీ ఇండస్ట్రీలో అత్యధిక రెమ్యునరేషన్ తీసుకున్న తొలి భారతీయ నటుడు. 1992లోనే ఒక్క సినిమాకు రూ. కోటి పారితోషికం తీసుకున్నాడు.
• చిరు మాస్ అవతారంలో నటించిన ఘరానా మొగుడు సినిమా రూ.10 కోట్ల గ్రాస్ కలెక్షన్స్ రాబట్టిన తెలుగు సినిమాగా ఘనత సాధించింది. అలాగే ఇంద్ర సినిమా రూ.30 కోట్లకు పైగా వసూళ్లు రాబట్టింది.

మరిన్ని సినిమా వార్తల కోసం ఇక్కడ క్లిక్ చేయండి.