చిరు దంపతుల మనసు ఎంత గొప్పదో..భావోద్వేగంతో నాగలక్ష్మి
గుంటూరు జిల్లాకు చెందిన మెగా అభిమాని రాజనాల నాగలక్ష్మికి స్టార్ హాస్పిటల్ లో మేజర్ సర్జరీ జరిగిన సంగతి తెలిసిందే. ఈ విషయంలో మెగాస్టార్ చిరంజీవి ఆమెకు ఎంతగానో సహకారం అందించారు. కాగా సోమవారం నాగలక్ష్మిని డాక్టర్లు ఐసీయూ నుంచి ప్రత్యేక గదికి తరలించారు. ఈ సందర్భంగా డాక్టర్లు ఆమె ఆరోగ్యం కుదుటపడుతోందని తెలిపారు. అలాగే నాగలక్ష్మి స్పృహలోకి రాగానే చిరంజీవి దంపతులు స్వయంగా వీడియో కాల్ ద్వారా ఆమె యోగ క్షేమాలను అడిగి తెలుసుకున్నారు. ఎప్పుడూ […]
Updated on: Apr 13, 2020 | 3:34 PM
గుంటూరు జిల్లాకు చెందిన మెగా అభిమాని రాజనాల నాగలక్ష్మికి స్టార్ హాస్పిటల్ లో మేజర్ సర్జరీ జరిగిన సంగతి తెలిసిందే. ఈ విషయంలో మెగాస్టార్ చిరంజీవి ఆమెకు ఎంతగానో సహకారం అందించారు. కాగా సోమవారం నాగలక్ష్మిని డాక్టర్లు ఐసీయూ నుంచి ప్రత్యేక గదికి తరలించారు. ఈ సందర్భంగా డాక్టర్లు ఆమె ఆరోగ్యం కుదుటపడుతోందని తెలిపారు. అలాగే నాగలక్ష్మి స్పృహలోకి రాగానే చిరంజీవి దంపతులు స్వయంగా వీడియో కాల్ ద్వారా ఆమె యోగ క్షేమాలను అడిగి తెలుసుకున్నారు. ఎప్పుడూ అండగా ఉంటామని ధైర్యం చెప్పారు.
అనంతరం నాగలక్ష్మి మాట్లాడుతూ.. “ఇది కలా..నిజమా? నా నడిచే దైవం శ్రీ చిరంజీవి గారు స్వయంగా నాతో మాట్లాడటమా? దీన్ని ఎంతో అదృష్టంగా భావిస్తున్నాను. శ్రీమతి సురేఖ గారు కూడా కుటుంబ సభ్యురాలిగా నాతో ఎంతో ప్రేమతో ఆప్యాయంగా మాట్లాడారు. ఈ జన్మకి ఇది చాలు. ముక్కోటి దేవతలు చిరంజీవి గారిని..వారి కుటుంబాన్ని చల్లగా చూడాలని, మనస్ఫూర్తిగా ప్రార్ధిస్తున్నా’ అని ఉద్వేగంతో మెగా దంపతుల పరామర్శకి బదులిచ్చారు నాగలక్ష్మి.
