Love Story: లవ్‌ స్టోరీ మ్యాజికల్‌ సక్సెస్‌ మీట్‌.. ముఖ్య అతిధిగా ఎవరు హాజరువుతున్నారో తెలుసా.?

Love Story Magical Success Meet: నాగ చైతన్య, సాయి పల్లవి జంటగా తెరకెక్కిన చిత్రం ‘లవ్‌ స్టోరీ’. శేఖర్‌ కమ్ముల దర్శకత్వం వహించిన ఈ సినిమా మంచి టాక్‌ దక్కించుకొని దూసుకుపోతోంది. విడుదలకు ముందే మంచి బజ్‌ దక్కించుకున్న ఈ సినిమా రిలీజ్‌ తర్వాత కూడా అదే జోరును కొనసాగిస్తోంది. కరోనా సెకండ్‌ తర్వాత ఈ స్థాయిలో విజయాన్ని దక్కించుకున్న తొలి చిత్రంగా లవ్‌ స్టోరీ అరుదైన రికార్డును సొంతం చేసుకుంది. ఇండియాలోనే కాకుండా అమెరికా బాక్సాఫీస్‌ వద్ద కూడా ఈ ప్రేమ కథ వసూళ్లు రాబడుతోంది. ఇక ఈ సినిమాకు సెలబ్రిటీలు సైతం ప్రశంసలు వర్షం కురిపిస్తున్నారు.

ఇదిలా ఉంటే సినిమా విజయాన్ని సెలబ్రేట్‌ చేసుకునే పనిలో పడింది చిత్ర యూనిట్‌. ఇందులో భాగంగానే మంగళవారం (సెప్టెంబర్‌ 28) సాయంత్రం 6 గంటలకు మ్యాజికల్‌ సక్సెస్‌ మీట్‌ను నిర్వహించనున్నారు. హైదరాబాద్‌లోని ట్రైడెంట్‌ హోటల్‌లో ఈ కార్యక్రమాన్ని నిర్వహిస్తున్నారు. ఇదిలా ఉంటే ఈ కార్యక్రమానికి ముఖ్య అతిధులుగా నాగార్జునతో పాటు దర్శకుడు సుకుమార్‌ హాజరుకానున్నారు.

ఇక లవ్‌ స్టోరీ బాక్సాఫీస్‌ ముందు వసూళ్ల వర్షం కురిపిస్తోంది. ఈ సినిమా విడుదలకు ముందే రూ. 30 కోట్లకుపైగా ప్రీరిలీజ్‌ బిజినెస్‌ చేసుకుంది. ఇక విడుదల తర్వాత సినిమాపై మంచి బజ్‌ రావడంతో రికార్డు దిశగా వసూళ్లు కొనసాగుతున్నాయి. ఈ క్రమంలోనే ప్రస్తుతం ఈ సినిమా రూ. 50 కోట్ల మార్క్‌కు చేరువలో ఉన్నట్లు తెలుస్తోంది.

Also Read: Fake Currency: యూట్యూబ్‎లో చూసి మొదలు పెట్టేశాడు.. చికెన్‌ పకోడితో దొరికిపోయాడు..

Naga Shaurya: టాలీవుడ్‏లో సినిమాల జాతర.. అప్డేట్స్ ఇస్తున్న హీరోలు.. లక్ష్య రిలీజ్ డేట్ చెప్పిన నాగశౌర్య…

Ghost Video: రాత్రి సమయంలో తలకిందులుగా నడుస్తున్న తల్లి దెయ్యం.. తల లేని బాలుడు.. ఆ ప్రాంతంలో భయాందోళన..చివరికి..