Kiara Advani : అలాంటి కామెంట్స్ చదివేంత ఓపిక- ఆసక్తి రెండు ఈ ముద్దుగుమ్మకు లేవంట..

Kiara Advani : బాలీవుడ్ బ్యూటీ కియారా అద్వానీ తెలుగు ప్రేక్షకులకు కూడా సుపరిచితురాలేదు. సూపర్ స్టార్ మహేష్ బాబు నటించిన భరత్ అనే నేను అనే సినిమాతో తెలుగు ప్రేక్షకులకు పరిచయం అయ్యింది ఈ ముద్దుగుమ్మ. మొదటి సినిమాతోనే అందం అభినయంతో ఆకట్టుకుంది ఈ బ్యూటీ. ఆ తర్వాత రామ్ చరణ్ నటించిన వినయ విధేయ రామ సినిమాలో యాక్ట్ చేసింది. కానీ ఈ సినిమా ఆశించిన స్థాయిలో విజయం సాధించలేదు. దాంతో ఈ అమ్మడు తిరిగి బాలీవుడ్‌‌‌‌కు చెక్కేసింది. అక్కడ వరుస సినిమాలతో దుకుపోతూ.. ప్రస్తుతం స్టార్ హీరోయిన్‌‌‌‌గా రాణిస్తుంది. స్టార్ హీరోలందరి సరసన ఈ చిన్నది ఛాన్స్ దక్కించుకుంటుంది. అర్జున్ రెడ్డి సినిమాను బాలీవుడ్‌‌‌లో కబీర్ సింగ్ అనే టైటిల్‌‌‌‌తో రీమేక్ చేశారు. ఈ సినిమా అక్కడ భారీ విజయాన్ని సొంతం చేసుకుంది. దాంతో ఒక్కసారిగా కియారా పాపులర్ అయ్యింది. ఆ తర్వాత యంగ్ హీరోలందరిసరసన నటిస్తూ దూసుకుపోతుంది.

కియారా అద్వానీ పేరు పై ఇటీవల మీడియాలో తెగ వినిపిస్తుంది. కియారా పై ట్రోల్స్ కూడా ఈ మధ్య ఎక్కువ వస్తున్నాయి. అయితే తన పై వస్తున్న ట్రోల్స్‌ను, నెగిటివ్ కామెంట్స్‌ను పట్టించుకోను అంటుంది ఈ బ్యూటీ. ఈ బిజీ లైఫ్‌‌‌లో కామెంట్లు చదివేంత ఓపిక..ఆసక్తి తనకి లేవని అంటుంది ఈ బ్యూటీ. నెగిటివ్ వార్తలొచ్చినంత మాత్రాన ఏదో జరిగిపోతుందని తన తల్లిదండ్రులు కంగారు పడరని అంటుంది ఈ చిన్నది. సినిమావాళ్లమే అయినా  తాము కూడా మనుషులేమనని తమకి ఎమోషన్స్ ఉంటాయన్న విషయాన్ని గుర్తుంచుకోవాలని చెప్పుకొచ్చింది. ఒకరి గురించి ఎదుటివారు మాట్లాడినప్పుడు కచ్చితంగా గౌరవం ఇచ్చి పుచ్చుకునేలా ఉండాలని.. ఇలాంటివాటిలో జాగ్రత్తగా ఉంటే ఇంకా బాగుంటుందని అంటుంది కియారా అద్వానీ. ప్రస్తుతం ఈ భామ రామ్ చరణ్ -శంకర్ కాంబినేషన్లో రాబోతున్న సినిమాలో హీరోయిన్‌గా ఎంపిక అయ్యింది.

మరిన్ని ఇక్కడ చదవండి : 

Bandla Ganesh: మీరు బుక్ చేసుకొండి.. నేను పర్మిషన్ ఇస్తా.. ఆసక్తికర ట్వీట్ చేసిన బండ్ల గణేష్..

Ariyana: అరియానా న్యూలుక్ చూసి కంగుతిన్న నెటిజన్స్.. అలా చూడలేమంటూ కామెంట్స్..

Love Story: అభిమానులకు మళ్లీ షాకిచ్చిన నాగచైతన్య.. లవ్ స్టోరీ రిలీజ్ ఇప్పట్లో లేనట్లే..