Keerthy Suresh Birthday: కీర్తి సురేష్ బర్త్ డే స్పెషల్.. మహానటి ఆస్తులు తెలిస్తే దిమ్మతిరిగిపోవాల్సిందే..

Keerthy Suresh

సౌత్ ఇండస్ట్రీలో టాప్ హీరోయిన్లలో కీర్తి సురేష్ ఒకరు. మహానటి సినిమాతో ఉత్తమ నటిగా జాతీయ అవార్డు అందుకుంది ఈ బ్యూటీ. మలయాళీ ఇండస్ట్రీకి చెందిన సినీ నిర్మాత జి. సురేష్ కుమార్, నటి మేనకా దంపతుల ముద్దుల కుమార్తె కీర్తి. ఫిల్మ్ బ్యాగ్రౌండ్ ఫ్యామిలీ నుంచి వచ్చిన కీర్తి.. బాలనటిగా వెండితెరపై సందడి చేసింది. ప్రస్తుతం కథానాయికగా విమర్శకుల ప్రశంసలు అందుకుని కోట్లాది మంది అభిమానులను సొంతం చేసుకుంది. ప్రస్తుతం బాలీవుడ్ ఇండస్ట్రీపై ఫోకస్ పెట్టింది. 2013లో మలయాళంలో గీతాంజలి మూవీ ద్వారా హీరోయిన్‏గా కీర్తి, తెలుగు, తమిళం, మలయాళం భాషలలో అనేక చిత్రాల్లో నటించింది. ఆమె 2021లో ఫోర్బ్స్ ఇండియా 30 అండర్ 30 జాబితాలో స్థానం సంపాదించుకుంది.

నివేదికల ప్రకారం ఇప్పటివరకు కీర్తి సురేష్ ఆస్తులు రూ.41 కోట్లు. ఆమె సంవత్సరానికి రూ.35 లక్షల కంటే ఎక్కువగానే సంపాదిస్తున్నట్లు సమాచారం. సినిమాలే కాకుండా ప్రకటనలు, బ్రాండ్ డీల్స్, సోషల్ మీడియా పోస్టుల ద్వారా కూడా కీర్తి సంపాదిస్తుంది. ఆమె ఒక్కో సినిమాకు దాదాపు 4 కోట్ల రూపాయలు రెమ్యునరేషన్, ఎండార్స్‌మెంట్‌కి రూ.30 లక్షల వరకు వసూలు చేసిందని టాక్. అలాగే ఇన్‌స్టాగ్రామ్‌లో స్పాన్సర్ చేసిన పోస్ట్ కోసం రూ.25 లక్షల వరకు తీసుకుంటుంది.

ఇది చదవండి : Devara Movie: సోషల్ మీడియాకే చెమటలు పట్టిస్తోన్న ‘దేవర’ సిన్నది.. బ్లాక్ శారీలో మైండ్ బ్లాంక్ చేస్తోందిగా..

ప్రస్తుతం కీర్తి తన తల్లిదండ్రులతో కలిసి చెన్నైలో నివసిస్తుంది. అలాగే ఆమెకు హైదరాబాద్‌లోని జూబ్లీహిల్స్‏లో ఆమెకు ఓ అపార్ట్‌మెంట్ కూడా ఉంది. ఇదిలా ఉంటే.. కీర్తి వద్ద రూ.60 లక్షల విలువైన Volvo S90, రూ.1.38 కోట్ల విలువైన BMW 7 సిరీస్ 730Ld, రూ.81 లక్షల విలువైన Mercedes Benz AMG GLC43, టయోటా ఇన్నోవా క్రిస్టా ధర రూ. రూ. 25 లక్షలు ఉన్నాయి. ఈరోజు కీర్తి సురేష్ బర్త్ డే సందర్భంగా సోషల్ మీడియా వేదికగా అభిమానులు, సినీ ప్రముఖులు ఆమెకు పుట్టినరోజు శుభాకాంక్షలు తెలుపుతున్నారు.

ఇది చదవండి : OTT Movie: ధైర్యమునోళ్లే చూడండి.. సీను సీనుకు గుండె ఆగాల్సిందే.. ఈ హరర్ సినిమా ఎక్కడ చూడొచ్చంటే

మరిన్ని సినిమా వార్తల కోసం ఇక్కడ క్లిక్ చేయండి.