గుండెపోటుతో టాలీవుడ్‌ యువ నటుడు దుర్మరణం.. మువీ విడుదలకు ముందే విషాదం!
తరుణ్ భాస్కర్ దర్శకత్వంలో తెరకెక్కిస్తోన్న 'కీడా కోలా' మూవీ టీజర్ రెండు రోజుల క్రితమే విడుదలైన సంగతి తెలిసిందే. ఈ మువీ విడుదలవకముందే కీలక పాత్రలో నటించిన హరికాంత్ (33) హఠాన్మరణం చెందారు. శనివారం ఉదయం హఠాత్తుగా..
‘పెళ్లిచూపులు’ , ‘ఈ నగరానికి ఏమైంది’ ఫేమ్ తరుణ్ భాస్కర్ దర్శకత్వంలో తెరకెక్కిస్తోన్న ‘కీడా కోలా’ మూవీ టీజర్ రెండు రోజుల క్రితమే విడుదలైన సంగతి తెలిసిందే. ఈ మువీ విడుదలవకముందే కీలక పాత్రలో నటించిన హరికాంత్ (33) హఠాన్మరణం చెందారు. శనివారం ఉదయం హఠాత్తుగా గుండె పోటు రావడంతో ఆయన మృతి చెందినట్లు వంశీ కాకా ట్విటర్‌ వేదికగా వెల్లడించారు. యువ నటుడు హరికాంత్ మృతిపట్ల చిత్ర బృందంతోపాటు పలువురు సినీ సెలబ్రెటీలు సోషల్‌ మీడియా వేదికగా సంతాపం వ్యక్తం చేస్తున్నారు.
కాగా థియేటర్ ఆర్టిస్టుగా గుర్తింపు తెచ్చుకున్న నటుడు హరికాంత్ సినిమాల్లో నటిస్తూ ఇప్పుడిప్పుడే గుర్తింపు దక్కించుకుంటున్నాడు. పలు సినిమాల్లోనూ చిన్న చిన్న పాత్రల్లో నటించాడు. ప్రస్తుతం ‘కీడా కోలా’లో ఓ కీలక పాత్రలో హరికాంత్ నటిస్తున్నాడు. రెండు రోజుల క్రితం విడుదలైన టీజర్‌లోనూ హరికాంత్ షాట్ చూడొచ్చు. క్రైం కామెడీ థ్రిల్లర్‌గా కీడా కోలా మువీని తెరకెక్కిస్తున్న సంగతి తెలిసిందే.
A hardworking theater artist turned actor (Keeda Cola & other films) 33-year old Harikanth passed away today in the early hours due to cardiac arrest. May his soul rest in peace. pic.twitter.com/6FbP9sjwwE
— Vamsi Kaka (@vamsikaka) July 1, 2023
కాగా గతంలో అతను మనిషి బతికి ఉన్నప్పుడు పట్టించుకోవాలి.. పోయినప్పుడు ఎంత బాధ పడినా.. ఏం చేసినా ఏం ఉపయోగం ఉండదు అంటూ ఓ యూట్యూబ్ చేశాడు. ఆ వీడియో ప్రజంట్ నెట్టింట వైరల్ అవుతుంది.
మరిన్ని సినిమా వార్తల కోసం క్లిక్‌ చేయండి.
