Shiva Raj Kumar: పునీత్ సోదరుడికి అండగా నిలిచిన తారక్.. అన్నా నేనున్నానంటూ…

Shiva Raj Kumar: కన్నడ పవర్ స్టార్ పునీత్ రాజ్ కుమార్ హఠాన్మరణంతో ఆయన కుటుంబ సభ్యులు, శాండల్ వుడ్ పరిశ్రమ, అభిమానులతో సహా ఇప్పటికీ ఎవరూ కోలుకోలేదు.  కుటుంబ సభ్యులైతే తీరని దుఃఖంలో ఉన్నారు. కొన్ని రోజుల క్రితం వరకూ తమ మధ్య నవ్వుతూ సంతోషంగా తిరిగిన తమ ఇంటి సభ్యులు లేడు, ఇక తిరిగి రాడు అన్న విషయాన్నీ వారు జీర్ణించుకోలేకపోతున్నారు. అయితే కాలం తనపని తాను చేసుకుంటూ పోతుంది. మరణించినవారిని జీవించినవారికి తీపిజ్ఞాపకంగా మారుస్తుంది.  తమ్ముడు మరణించిన ఇన్ని రోజుల తర్వాత పునీత్ అన్న శివ రాజ్ కుమార్ తొలిసారిగా టీవీ9 కన్నడ ఛానల్ ముందుకు వచ్చారు. ఈ సందర్భంగా తన తమ్ముడిని గుర్తు చేసుకుంటూ.. పునీత్ మరణంతో తమ కుటుంబంలో చోటు చేసుకున్న పరిస్థితులను చెప్పారు.

ఈ సందర్భంగా జూనియర్ ఎన్టీఆర్ గురించి శివ రాజ్ కుమార్ ప్రస్తావించారు. తన తమ్ముడు మరణించినప్పుడు ఎన్టీఆర్ నా దగ్గరకు వచ్చి.. అన్నా నేను మీకు ఉన్నా అంటూ దైర్యం చెప్పారు. తమ్ముడిగా అండగా నిలిచాడు అని శివ రాజ్ కుమార్ చెప్పారు. తమ కుటుంబానికి ఎన్టీఆర్ కు ఉన్న అనుబంధం గురించి శివరాజ్ కుమార్ తెలియజేశారు.

పునీత్ రాజ్ కుమార్ మృతి వార్త తెలిసిన వెంటనే తారక్ బెంగళూరికి వెళ్లిన విషయం తెలిసిందే. పునీత్ మృతదేహాన్ని చూసి ఎన్టీఆర్ కన్నీరు పెట్టారు. శివ రాజ్ కుమార్ ను ఓదార్చిన సంగతి తెలిసిందే.  ఎన్టీఆర్ కు పునీత్ కు మధ్య మంచి రిలేషన్ ఉంది. ఇదే విషయాన్నీ పునీత్ కూడా ఒకానొక సందర్భంలో ప్రస్తావించారు. ఇక పునీత్  చక్రవ్యూహ కోసం ఎన్టీఆర్   ‘గెలయా గెలయా’ అనే పాటను పాడారు. అయితే రాజ్ కుమార్ కుటుంబంతో నందమూరి కుటుంబానికి మంచి రిలేషన్ ఇప్పటిది కాదని.. పునీత్ తండ్రి రాజ్ కుమార్ … సీనియర్ ఎన్టీఆర్ ల తరం నుంచి కొనసాగుతూనే ఉంది. నందమూరి బాలకృష్ణకి కూడా శివ రాజ్ కుమార్ తో మంచి రిలేషన్ ఉన్న సంగతి తెలిసిందే.

“నేనున్నాను అన్నా మీకు” – ఎన్.టి.ఆర్

శివరాజ్ కుమార్ @NimmaShivanna గారిని పరామర్శించిన ఎన్.టి.ఆర్@tarak9999 @PuneethRajkumar pic.twitter.com/Qijeqlagc9

— MilagRRRo Movies (@MilagroMovies) November 11, 2021

Also Read:

: బయట ఉడకబెట్టిన గుడ్లు తింటున్నారా? అయితే, జాగ్రత్త.. అందులో ప్రమాదకరమైన సూడోమోనాస్ బ్యాక్టీరియా ఉండొచ్చు!