బాలీవుడ్ బ‌డా నిర్మాత ఏక్తాకపూర్‌పై హైదరాబాద్‌లో కేసు..

బాలీవుడ్ బ‌డా నిర్మాత, బాలాజీ టెలీఫిలింస్ క్రియేటివ్ హెడ్‌ క‌మ్ జాయింట్ డైరెక్టర్‌ ఏక్తా కపూర్ పై హైదరాబాద్ సైబర్ క్రైమ్ పోలీసులకు కంప్లైంట్ అందింది. విశాల్ కుమార్ అనే వ్యక్తి ఈ కంప్లైంట్ ఇచ్చారు. భార‌త‌ ఆర్మీ డ్రెస్, సింబ‌ల్ ను అభ్యంతరకర రీతిలో చూపించార‌ని ఆరోపిస్తూ బాలాజీ టెలీఫిల్మ్స్ ఓన‌ర్ ఏక్తా కపూర్‌పై సైబర్‌ క్రైం విభాగానికి చేసిన ఫిర్యాదులో విశాల్ పేర్కొన్నారు.

ఏక్తా కపూర్ నిర్మించిన‌ ‘అన్‌ సెన్సార్డ్‌ సీజన్‌-2’ వెబ్‌ సీరీస్ త్వ‌ర‌లో రిలీజ్ కానుంది. ఈ సీరీస్‌లోని ‘ప్యార్‌ ఔర్‌ ప్లాస్టిక్‌’ ఎపిసోడ్‌లో ఒక వ్యక్తికి ఆర్మీ డ్రెస్ వేసి అసభ్యకరంగా మాట్లాడే సన్నివేశాలున్నాయి. ఇటీవ‌లే దీనికి సంబంధించిన ట్రైలర్ ను ఫేస్ బుక్ పేజ్ లో రిలీజ్ చేశారు. అయితే ఈ ట్రైలర్ చూసిన‌ విశాల్ కుమార్… ఓ ఆర్మీ ఆఫీస‌ర్ భార్యకు, మ‌రో వ్యక్తికి ఉన్న సంబంధాలను ఇందులో చూపించారని ఆరోపించారు. నిర్మాత‌ ఏక్తా కపూర్ పై చర్యలు తీసుకోవాలని కోరారు. ఈ నేపథ్యంలో కంప్లైంట్ ను సైబర్ క్రైమ్ పోలీసులు స్వీకరించారు. పూర్తి వివరాలను పరిశీలించిన తర్వాత ఏక్తా కపూర్ కు నోటీసులు పంపుతామని వెల్ల‌డించారు.