Shyam Singha Roy : ‘కాళికాదేవి’ ఆలయం సెట్ లో నేచురల్ స్టార్ శ్యామ్ సింగ రాయ్ షూటింగ్..
నేచురల్ స్టార్ నాని హీరోగా తెరెక్కుతున్న ‘శ్యామ్ సింగరాయ్' షూటింగ్ శరవేగంగా జరుగుతుంది. ఇప్పటికే నాని 'నిన్ను కోరి' ఫేమ్ శివ నిర్వాణ దర్శకత్వంలో నటిస్తున్న'టక్ జగదీశ్' సినిమాను..
Shyam Singha Roy : నేచురల్ స్టార్ నాని హీరోగా తెరెక్కుతున్న ‘శ్యామ్ సింగరాయ్’ షూటింగ్ శరవేగంగా జరుగుతుంది. ఇప్పటికే నాని ‘నిన్ను కోరి’ ఫేమ్ శివ నిర్వాణ దర్శకత్వంలో నటిస్తున్న’టక్ జగదీశ్’ సినిమాను పూర్తి చేసే పనిలో ఉన్నాడు. ఆ సినిమాతో పాటు ‘శ్యామ్ సింగరాయ్’ కూడా కంప్లీట్ చేస్తున్నాడు. ‘టాక్సీవాలా’ సినిమాతో ప్రేక్షకులను ఆకట్టుకున్న రాహుల్ సాంకృత్యాన్ దర్శకత్వంలో ఈ సినిమా తెరకెక్కుతుంది.
నాని కెరీర్లో 26వ చిత్రంగా రూపొందుతున్న ఈ మూవీలో సాయి పల్లవి, ‘ఉప్పెన’ బ్యూటీ కృతిశెట్టి హీరోయిన్స్ గా నటిస్తున్నారు. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతుంది. కలకత్తా నేపథ్యంలో పిరియాడికల్ డ్రామాగా ఈ సినిమాను రూపొందిస్తున్నాడు దర్శకుడు రాహుల్ సాంకృత్యాన్. ఇందుకోసం రామోజీ ఫిలిం సిటీలో భారీ సెట్ కూడా వేశారని తెలుస్తుంది. ఈ సినిమా కోసం హైదరాబాద్ లోనే కోల్ కత నేపథ్యంలోని ‘కాళికాదేవి’ ఆలయం సెట్ ను వేశారు. కథ ప్రకారం 100 సంవత్సరాల క్రితం నాటి ఆలయంలా ఇది కనిపిస్తుందట. 10 ఎకరాల్లో ఆరున్నర కోట్ల రూపాయల ఖర్చుతో ఈ సెట్ ను వేశారు. ఆర్ట్ డైరెక్టర్ అవినాశ్ కుల్లా తీర్చిద్దిద్దిన ఈ సెట్ లో చిత్ర్రీకరించే సీన్స్ అన్నీ కూడా కీలకమైనవేనట. నాని ఫ్లాష్ బ్యాక్ నేపథ్యంలో వచ్చే సన్నివేశాలను ఇక్కడ చిత్రీకరిస్తారని, ఇంటర్వెల్ బ్యాంగ్ కూడా ఈ సెట్ లో జరిగే ఉత్కంఠభరితమైన సన్నివేశంపైనే ఉంటుందని అంటున్నారు. ఇటీవల విడుదల చేసిన ఈ సినిమా ఫస్ట్ లుక్ ప్రేక్షకులను ఆకట్టుకుంది.
మరిన్ని ఇక్కడ చదవండి :