Unstoppable with NBK 2: వీరసింహారెడ్డితో వీరమల్లు.. అన్స్టాపబుల్లో ఇక రచ్చ రంబోలానే అంటోన్న ఫ్యాన్స్
అన్స్టాపబుల్ కు జనసేనాని, పవర్స్టార్ పవన్ కల్యాణ్ రానున్న సంగతి తెలిసిందే. దీంతో ఈ ఎపిసోడ్పై ఎక్కడలేని ఆసక్తి వస్తోంది. పవన్, బాలయ్యను ఒకే స్ర్కీన్పై చూసేందుకు అటు మెగా, ఇటు నందమూరి ఫ్యాన్స్ వేయికళ్లతో ఎదురుచూస్తున్నారు.
Updated on: Dec 24, 2022 | 1:41 PM
పేరుకు తగ్గట్టుగానే నందమూరి బాలకృష్ణ హోస్ట్ చేస్తోన్న అన్స్టాపబుల్ షో నాన్స్టాప్గా దూసుకెళుతోంది. ప్రముఖ తెలుగు ఓటీటీ ప్లాట్ఫామ్ ఆహాలో ప్రసారమవుతోన్న ఈ సెలబ్రిటీ టాక్ షో వ్యూస్ పరంగా రికార్డులు సృష్టిస్తోంది. ముఖ్యంగా రీల్ లైఫ్, రీల్ లైఫ్లోనైనా సీరియస్గా కనిపించే బాలయ్య హాస్యచతురత అందరినీ ఆకట్టుకుంటోంది. ఇప్పటికే మొదటి సీజన్ పూర్తి చేసుకున్న ఈ ఛాట్ షో రెండో సీజన్లోనూ ఆదరణ దక్కించుకుంటోంది. సినిమా తారలతో పాటు రాజకీయ ప్రముఖులు అన్స్టాపబుల్కు వస్తున్నారు. ఇదిలా ఉంటే అన్స్టాపబుల్ కు జనసేనాని, పవర్స్టార్ పవన్ కల్యాణ్ రానున్న సంగతి తెలిసిందే. దీంతో ఈ ఎపిసోడ్పై ఎక్కడలేని ఆసక్తి వస్తోంది. పవన్, బాలయ్యను ఒకే స్ర్కీన్పై చూసేందుకు అటు మెగా, ఇటు నందమూరి ఫ్యాన్స్ వేయికళ్లతో ఎదురుచూస్తున్నారు. టాలీవుడ్లో మాస్ ఫాలోయింగ్లో ఉన్న ఈ ఇద్దరు హీరోలు ఏం మాట్లాడుకుంటారు? షోలో బాలయ్య పవన్ను ఎలాంటి ప్రశ్నలు అడుగుతాడు? ఇద్దరూ రాజకీయాల్లో క్రియాశీలకంగా ఉన్నారు కాబట్టి రాజకీయ అంశాలు చర్చకు వస్తాయా? అన్నది ఇంట్రెస్టింగ్గా మారింది. కాగా ఈ నెల ఆఖరులో ఈ ఎపిసోడ్ షూటింగ్ జరగనున్నట్లు సమాచారం.
ఇదిలా ఉంటే అన్స్టాపబుల్ షోకు హింట్ ఇచ్చేలా తాజాగా బాలయ్యను కలిశాడు పవన్. గోపిచంద్ మలినేని దర్శకత్వంలో బాలకృష్ణ నటిస్తోన్న వీరసింహారెడ్డి సెట్స్కు వెళ్లిన పవర్స్టార్ అక్కడ ఇద్దరూ కలిసి సరదాగా ఫొటోలు దిగారు. ఈ ఫొటోలు ఒక్కసారిగా వైరల్గా మారాయి. ఇంటర్నెట్ను షేక్ చేస్తున్నాయి. కాగా బాలయ్య వీర సింహా రెడ్డి షూటింగ్, పవన్ కళ్యాణ్ హరి హర వీర మల్లు సినిమా షూటింగ్ అన్నపూర్ణ స్టూడియోలో ఒకే చోట జరుగుతున్నాయి. ఈ గ్యాప్లోనే ఇలా మీటింగ్ జరిగినట్టు కనిపిస్తోంది. కాగా ఈ మీటింగ్లోనే అన్స్టాపబుల్ షోకు సంబంధించి చర్చలు కూడా జరిగినట్లు సమాచారం.
A frame for the ages ♥️ Veera Mallu meets Veera Simha Reddy ?
Natasimham #NandamuriBalakrishna and the team of #VeeraSimhaReddy with @PawanKalyan on the sets ?@megopichand @shrutihaasan @varusarath5 @OfficialViji @MusicThaman @RishiPunjabi5 @SonyMusicSouth pic.twitter.com/jx5OJP7enS
— Mythri Movie Makers (@MythriOfficial) December 23, 2022
మరిన్ని సినిమా వార్తల కోసం క్లిక్ చేయండి..
