Mahavatar Narsimha: హోంబలే ఫిల్మ్స్‌ మరో భారీ ప్రాజెక్ట్‌.. ‘మహావతార్‌ నరసింహ’ టీజర్ రిలీజ్.. హీరో ఎవరంటే?

Mahavatar Narsimha

ఇప్పటికే కొన్ని వందల కోట్ల ప్రాజెక్టులను ప్రకటించిన హోంబలే ఫిల్మ్స్ ఇప్పుడు మరో కొత్త సినిమాని ప్రకటించింది. భారతదేశంలోని అతిపెద్ద స్టార్ నటులు, నటీమణులతో పనిచేసిన హోంబలే అధినేతలు ఇప్పుడు మరో డిఫరెంట్ సినిమా చేయడానికి సిద్ధంగా . అంతే కాదు తొలిసారిగా పౌరాణిక కథా చిత్రానికి హోంబాలే ఫిలింస్ పెట్టుబడి పెడుతోంది. తన తదుపరి చిత్రంగా ‘ మహావతార్ నరసింహ’ను హోంబాలే ప్రకటించింది. ఈ సినిమా 3డిలో రూపొందనుంది. అసలు నటీనటులు లేని యానిమేషన్ సినిమా ఇది అని అంటున్నారు. ఈ చిత్రాన్ని కూడా భారతదేశంలోని ప్రముఖ యానిమేషన్ సినిమా స్టూడియో క్లిమ్ నిర్మించింది. క్లీమ్‌కి చెందిన అశ్విన్ కుమార్ ఈ చిత్రానికి దర్శకత్వం వహించనున్నారు. ఇందుకు సంబంధించిన ఫస్ట్‌లుక్‌ను విడుదల చేసింది చిన్న టీజర్ కూడా విడుదలైంది. ‘నరసింహ’ చిత్రం హిందీ, కన్నడ, తెలుగు, తమిళం, మలయాళం భాషల్లో ఏకకాలంలో విడుదల కానుంది. నిజానికి ఇది హిందీలో నిర్మించాల్సిన సినిమా. ఈ చిత్రానికి సామ్‌ సిఎస్‌, శ్లోకా సంగీతం అందిస్తున్నారు. సినిమాలో హిరణ్యకశిపుడు, నరసింహుల కథను గ్రాండ్‌గా, ఉత్కంఠగా తెరపైకి తీసుకొస్తున్నారు.

విష్ణు మహాఅవతారాల పరంపరను తీసుకురావాలని యోచిస్తున్న హోంబలే ప్రస్తుతం ఆ ప్రాజెక్ట్‌లో మొదటి ప్రాజెక్ట్‌గా ‘నరసింహ’ చిత్రాన్ని నిర్మిస్తోంది. శిల్పా ధావన్‌, కుశాల్‌ దేశాయ్‌, చైతన్య దేశాయ్‌లు ఈ చిత్రాన్ని నిర్మిస్తున్నారు. అంతేకాదు, మహావతార్‌ సిరీస్‌లో రానున్న తొలి సినిమా ఇది. దీనికి కొనసాగింపుగా ఇతర అవతారాలతో సినిమాలు రాబోతున్నాయని చెప్పకనే చెప్పారు. క్లెమ్ కూడా సినిమాకు సపోర్ట్ చేశారు. క్లీమ్ ఇప్పటికే భారతదేశంలో కొన్ని యానిమేషన్ సినిమాలను నిర్మించారు. కాగా ప్రభాస్‌తో ఇటీవల మూడు భారీ బడ్జెట్ చిత్రాలను ప్రకటించింది హోంబలే ఫిల్మ్స్.

మహావతార్‌ నరసింహ టీజర్..

.మరిన్ని సినిమా వార్తల కోసం ఇక్కడ క్లిక్ చేయండి.