Guntur karam: క్రేజీ న్యూస్.. గుంటూరు కారం ప్లాన్ మారింది.. ఫ్యాన్స్‌కు పూనకాలే

Gunturu Kaaram

సూపర్ స్టార్ మహేష్ బాబు గుంటూరు కారం సినిమా కోసం ఆయన అభిమానులు ఈగర్ గా ఎదురుచూస్తున్నారు. సంక్రాంతికానుకగా ఈ సినిమాను రిలీజ్ చేయనున్నారు. త్రివిక్రమ్ దర్శకత్వంలో తెరకెక్కుతోన్న ఈ సినిమా మాస్ మసాలా ఎంటర్టైనర్ గా రానుంది. ఇప్పటికే మహేష్ బాబుకు సంబందించిన మాస్ లుక్స్ ను రిలీజ్ చేశారు. అలాగే గుంటూరు కారం సినిమానుంచి విడుదలైన గ్లింప్స్ ప్రేక్షకులను విపరీతంగా ఆకట్టుకుంది. ఈ సినిమాలో మహేష్ బాబుకు జోడీగా శ్రీలీల నటిస్తుంది. అలాగే మరో హీరోయిన్ గా మీనాక్షి చౌదరి నటిస్తుంది. అలాగే ఈ సినిమాలో పవర్ ఫుల్ విలన్ గా జగపతిబాబు కనిపించనున్నాడు. రీసెంట్ గా గుంటూరు కారం సినిమానుంచి ధమ్ మసాలా అనే సాంగ్ ను రిలీజ్ చేశారు. ఈ సాంగ్ అభిమానులకు పూనకాలు తెప్పించింది.

మ్యూజిక్ డైరెక్టర్ తమన్ తనదైన స్టైల్ లో మ్యూజిక్ అదించి ఆకట్టుకున్నారు. ఇక ఇప్పుడు ఈ సినిమా నుంచి ఓ క్రేజ్ న్యూస్ బయటకు వచ్చింది. నిజానికి ధమ్ మసాలా సాంగ్ గుంటూరు కారం సినిమాలో సీన్స్ బ్యాగ్రౌండ్ లో వస్తుందట. అయితే ఇప్పుడు ఈ సాంగ్ కు విపరీతమైన రెస్పాన్స్ వస్తుండటంతో ఇప్పుడు ప్లాన్ చేంజ్ చేశారట.

ఈసాంగ్ ను ఫుల్ గా సినిమాలో ఉంచనున్నారట. అలాగే ఈ పాటకు అదిరిపోయే డాన్స్ ను కూడా జోడించనున్నారట. నేడు మహేష్ బాబుతో పాటు ఆరు వందల మందితో శేఖర్ మాస్టర్ ఈసాంగ్ ను కొరియోగ్రఫ్ చేయనున్నారట. అలాగే ఈ సినిమాలో మిగిలిన సాంగ్స్ కూడా సూపర్ గా ఉంటాయని తెలుస్తోంది. అలాగే థమన్ ఈ సినిమాకు అదిరిపోయే బ్యాగ్రౌండ్ స్కోర్ ఇస్తున్నారట. త్వరలోనే సెకండ్ సాంగ్ ను రిలీజ్ చేయనున్నారు. ఈ సారి ఆకట్టుకునే మెలోడీని రిలీజ్ చేయనున్నారని తెలుస్తోంది. జనవరి 12న గుంటూరు కారం సినిమా గ్రాండ్ గా రిలీజ్ కానుంది. అలాగే ఈ సినిమాలో రమ్యకృష్ణ, సునీల్, ప్రకాష్ రాజ్ కీలక పాత్రలో నటిస్తున్నారట.

మరిన్ని సినిమా వార్తల కోసం ఇక్కడ క్లిక్ చేయండి.