PawanKalyan: పవన్ కల్యాణ్‌తో ఉన్నదెవరో గుర్తు పట్టారా? ఒకప్పటి క్లాసిక్ డైరెక్టర్.. ఇప్పుడు యాక్టింగ్‌లో తోపు

Pawan Kalyan

పై ఫొటోలో పవర్ స్టార్ పవన్‌ కల్యాణ్‌ భుజాలపై చేతులేసి స్టైల్‌ గా నిల్చొన్న వ్యక్తిని గుర్తు పట్టారా? అతనొక సౌతిండియన్ సినిమా సెలబ్రిటీ. 20 ఏళ్లకే సినిమా ఇండస్ట్రీలోకి వచ్చేశాడు. కెరీర్ ప్రారంభంలో గుర్తింపు లేని పాత్రల్లో నటిస్తూ వచ్చాడు. అయితే ఎప్పుడైతే మెగా ఫోన్ పట్టుకుని డైరెక్టర్ గా మారిపోయాడో అతని ఫేట్ మారిపోయింది. ఎంతలా అంటే పవర్ స్టార్ పవన్ కల్యాణ్, సూపర్ స్టార్ మహేశ్ బాబు లతో సినిమాలు చేసే రేంజ్‌కి ఎదిగిపోయాడు. తమిళంలో స్టార్ హీరో అజిత్ తో కూడా సినిమా చేశాడు. అయితే పవన్ కల్యాణ్ సినిమాతోనే మనోడి పేరు మార్మోగిపోయింది. ట్యాలెంటెడ్ డైరెక్టర్ గా మంచి క్రేజ్ సొంతం చేసుకున్నాడు. కానీ ఆ తర్వాత డైరెక్షన్ ఆపేసి మళ్లీ యాక్టింగ్ పై దృష్టి పెట్టాడు. అలా ఇప్పుడు విలన్‌గా, క్యారెక్టర్ ఆర్టిస్టుగా దుమ్ము దులుపుతున్నాడు. తెలుగు, తమిళ సినిమాల్లో నటిస్తూ ఫుల్ ఫామ్ లో ఉన్న ఈ ట్యాలెంటెడ్ యాక్టర్ ను గుర్తు పట్టారా? మరి. అతను మరెవరో కాదు ఎస్.జే. సూర్య. శనివారం (20) అతని పుట్టిన రోజు. పలువురు సినీ ప్రముఖులు, అభిమానులు, నెటిజన్లు సూర్యకు బర్త్ డే విషెస్ చెప్పారు. ఈ సంద్భంగా అతని అరుదైన ఫొటోలు సామాజిక మాధ్యమాల్లో వైరల్ గా మారాయి. పై ఫొటో కూడా ఆ జాబితాకు చెందినదే.

మహేశ్ బాబు ‘స్పైడర్’, శింబు ‘మానాడు’, విశాల్ ‘మార్క్ ఆంటోని’.. సినిమాలతో దక్షిణాదిలో అద్భుతమైన నటుడిగా గుర్తింపు తెచ్చుకున్నాడు ఎస్. జె. సూర్య. అలాగే లారెన్స్ తో కలిసి నటించిన జిగర్ తాండా డబుల్ ఎక్స్ సినిమాతో తన అద్భుతమైన నటనతో ప్రశంసలు అందుకున్నాడీ ట్యాలెంటెడ్ యాక్టర్.

ఇటీవలే వచ్చిన కమల్ హాసన్ భారతీయుడు 2 లోనూ ఒక కీలక పాత్రలో మెరిశారు. ప్రస్తుతం నాని ‘సరిపోదా శనివారం’, రామ్ చరణ్ ‘గేమ్ ఛేంజర్’, ఇండియన్ 3 తదితర క్రేజీ ప్రాజెక్టులతో బిజీ బిజీగా ఉంటున్నాడు సూర్య.

మరిన్ని సినిమా వార్తల కోసం ఇక్కడ క్లిక్ చేయండి.